粵語片一代女王嘉玲泰國離世 肺病纏身已久享年87歲

粵語片一代女王嘉玲泰國離世 肺病纏身已久享年87歲

50年代加入影壇嘅粵語片一代女王嘉玲,11月21日睡夢中喺泰國離世,享年87歲。消息由佢契女郭秀雲向傳媒公佈。

嘉玲原名何佩英,上世紀50年代初投考電影公司演員訓練班之後加入影圈,當時同四哥謝賢為同期同學,1955年嘉玲正式踏入影壇,首部作品《三妻奇案》一推出就一炮而紅。

除咗同四哥齊齊拍攝唔少經兼粵語電影之外,後來仲發展成為真情侶,有指佢仲係四哥嘅初戀女友。嘉玲2006年接受沈殿霞主持節目《友緣相聚》訪問,仲公開過佢哋拍拖時嘅細節同分手原因。

七年情因為「唔結就分」,同當紅嘅四哥因為未達成家共識而無奈分手,而當時因為邀請嘉玲拍攝產品廣告,後來力追嘉玲嘅泰國華僑 姚武麟 成為佢嘅真命天子,婚後嘉玲決定息影,隨夫移居泰國曼谷,婚後育有兩女一子。

身為嘉玲契女嘅郭秀雲,就指約2019年起契媽受慢阻肺病之苦,身體狀況一般,不時要靠儀器協助呼吸,平時亦大多臥床休息,閒時就以電視劇消遣。佢又指契爺身體情況亦普通,家人都非常擔心,Sharon亦已買機票準備動身往泰國協助辦理後事。

同嘉玲早年已經因為拍戲相識嘅胡楓,接受電話訪問時就非常愕然,雖然知道對方身體抱恙,不過估唔到咁快就天人永隔。

劉丹出席活動時,亦都對當年明星足球隊訪問泰國,嘉玲同丈夫嘅款待有好深印象,更大讚當年嘉玲係大眾女神,就算當年見面一樣富有氣質,雖然夫婦生意龐大,不過一樣待人以誠有禮,非常值得敬佩。

汪明荃胡楓蘇永康獻聲 陳淑芬入行50年演唱會星光熠熠

《陳淑芬.星星相識50年.演唱會》日前在澳門圓滿完成,表演嘉賓星光熠熠,汪明荃、胡楓、呂良偉、鍾鎮濤、陳潔靈、莫文蔚、張智霖、陳松伶、謝天華、譚耀文、龍婷及蘇永康等,以及《聲夢傳奇》歌手張馳豪、林智樂、文凱婷、孫漢霖、劉詠彤及劉芷君,一齊唱盡不少經典金曲。

《聲夢》歌手唱《Stand Up》、《H2O》及 《Monica》揭開序幕,然後譚耀文唱電視劇《縱橫四海》主題曲 ,適逢今年係陳太陳淑芬入行50年,3月22號係陳太生日,佢帶領全場觀眾向壽星講生日快樂;龍婷則獻唱鄧麗君曲《我只在乎你》。 

張智霖唱《歲月如歌》、《幾許風雨》,阿姐汪明荃則獻唱《勇敢的中國人》,阿姐好開心參與陳太派對,而胡楓壓軸出場,喺舞蹈員陪同下演繹《情花開》,

陳太感恩此時此刻依然能夠喺演出娛樂行業服務大家,特別請嚟音樂人創作一首歌曲《圓滿人生》,感激半世紀旅途有大家陪伴及信任,成就陳太圓滿人生。

 相關推薦

熱門搜尋