演出多部粵語片而成為當年爆紅花旦嘅影星嘉玲，21日睡夢中離世，消息今日傳返香港，亦意外曝光佢同泰國華僑丈夫育有兩女一子之外，資深演員 黃栢文 同嘉玲之間嘅母子關係。

嘉玲離世消息公佈之後，傳媒發現其中一張生活照中有黃栢文家人嘅蹤影，而原來郭秀雲口中即將會動身前往泰國嘅哥哥，其實就係大家認識嘅黃栢文。翻查舊報道，黃栢文曾指自己有移居泰國嘅媽媽，到長大成家後先再重聚，不過佢一直對呢段母子關係非常低調。

黃栢文對同嘉玲之間嘅母子關係非常低調

黃栢文接受我哋電話訪問時，對母親離世難掩哀痛，亦正準備前往曼谷出席喪禮。佢指嘉玲遺體已移靈廟宇進行連串儀式，28號就會火化。

佢提到上月底先同家人到泰國探望，不過當時嘉玲身體情況已經普通，因為疫情相隔兩年幾未有見面，期間都以電話聯絡，不過嘉玲因為肺病影響言語，所以呢次一見到栢文哥一家出現，就略顯精神同心情激動。

當時栢文哥仲承諾好快會再次探望，可惜再收到泰國家人消息已經係噩耗。講到呢到栢文哥已經泣不成聲，仲話媽咪嘉玲有好多說話想同自己傾訴，又話過往不時都會傾偈分享行內經驗同做人道理，嘉玲仲每每留意自己所有演出。

黃栢文又重申嘉玲姐係一位好媽媽、好妻子、好婆婆同好嫲嫲，係典型賢妻良母。不過當提到過往故事，栢文哥就輕輕帶過未有多提。雖然見面次數唔多，不過當自己成家結婚時，就令栢文哥印象最深。

佢回憶話當時一通知媽媽會結婚，隔日嘉玲姐就已經身處香港，為佢張羅結婚大小事，亦一改過往自己對媽媽心底嘅印象，心鎖亦慢慢解開。

一代粵語片大美人嘉玲，隨著今天(26日)在泰國的佛教火化儀式舉行後，終正式跟親友永別！靈堂裡擺滿了由子女親手挑選的生前玉照，以及各方親友越洋送上的鮮花，當中包括舊拍檔「修哥」、LIZA姐和家英哥、周潤發夫婦、舊愛謝賢、梁朝偉及劉嘉玲.....還有原來自小便是嘉玲「超級粉絲」的任達華！嘉玲愛子黃栢文憶述媽媽生前種種，流露不捨之情，又表示媽媽的遺照仿佛名畫蒙羅麗莎那樣，無論走到哪裡她都好像在看著他和弟妹。此外，相處超過60年的嘉玲丈夫姚武麟雖然行動不便，仍堅持到靈堂送別，遙望愛妻化成飛灰，場面令人傷感。