演唱會以音樂劇形式展現 湯令山邀好兄弟TysonYoshiJam歌

演唱會以音樂劇形式展現 湯令山邀好兄弟TysonYoshiJam歌

電影泉攻略丨戰勝癌魔復出拍戲 金燕玲感激導演照顧周到

《電影泉攻略》呢集請嚟電影《不日成婚2》嘅主演金燕玲同埋導演陳茂賢上嚟同王鎮泉傾下偈,呢部戲係金燕玲戰勝癌魔後復出拍嘅首部戲,金燕玲話自己當初接拍呢部戲,都係因為劇本夠吸引,而喺戲中飾演陳家樂媽媽、衛詩雅奶奶嘅佢,戲中角色性格直率,講嘢又唔顧及人感受,佢話同現實中嘅自己都有幾分相似。

曾經經歷過兩次離婚嘅金燕玲,就話拍呢部戲時有更深嘅體會,因為佢明白到經營一段關係真係好唔容易,所以拍起上嚟都會有共鳴。

一直好欣賞金燕玲嘅陳導演,就話拍呢部戲時正值疫情時期,所以過程遇到唔少難關,而曾患上兩次癌症嘅金燕玲,因為抵抗力較弱,為免染病,所以佢都有特別要求導演幫佢喺片場準備一間大房,金燕玲都話覺得有啲唔好意思,但感覺導演好鍚佢同體諒佢,所以佢話要更落力演好呢個角色。

 相關推薦

熱門搜尋