方力申提名6獎項 自嘲冇朋友贏面低

正在使用小窗口模式播放

方力申提名6獎項 自嘲冇朋友贏面低

加載中...

方力申同Eric Kwok主持嘅《鋪鋪Poker》入圍「最受歡迎電視拍檔」、「最佳綜藝節目」等獎項,呢日佢哋同鄭丹瑞、吳若希、泰臣、尹光現身一個同醫學有關嘅遊戲節目,本來主持易羚問佢哋入圍感受,但當Eric Kwok知道小方有成六項提名時,話題嘅焦點即時去咗小方身上,小方笑言自己朋友唔多,又話識嘅都係表面嘅朋友,所以大家都唔會投佢一票,Eric Kwok即時叫小方唔使擔心,又話佢呢個「表面朋友」到時一定會投佢一票。至於講到佢哋個綜藝節目,小方同Eric Kwok都話入面好多強敵,好似獎門人同森美咁,所以佢哋話到時入到5強就已經好開心。

之前吳若希就畀許廷鏗爆料,話佢啲常識異於常人,令到本身對玩呢個醫學遊戲節目冇咩信心嘅小方同Eric Kwok,話見到隔離隊有吳若希坐陣,即時個心定晒信心都大啲。不過吳若希似乎唔太介意,仲話自己上完呢個遊戲節目之後,直頭變咗醫學小公主,可以講到細菌同病毒嘅分別。將會喺12月舉行演唱會嘅吳若希,透露屆時將會嚟個回憶殺,唱出歷年劇集嘅歌,不過問到佢會唔會喺演唱會上一展舞技?吳若希就話跳舞呢啲操重工作會留返畀後輩做,所以邀請嘉賓方面都會向啲有舞功底子嘅人入手呀。

節目上眾人為旦哥送上驚喜預祝佢68歲生日,至於正日生日,旦哥就話會同一班朋友簡單食餐飯呀。

 相關推薦