欣宜新歌MV公開首播 夥On仔ANSONBEAN商場開騷

正在使用小窗口模式播放

欣宜新歌MV公開首播 夥On仔ANSONBEAN商場開騷

加載中...

鄭欣宜 呢日同 陳健安 仲有 ANSONBEAN 一齊喺商場演唱,欣宜近日推出嘅全新歌曲MV亦喺呢日正式首播,當中欣宜仲有唔少深情演出,佢就話今次對自己係一個大挑戰喇。欣宜仲話拍攝足足用咗成20個鐘頭,仲要一開始第一個鏡頭就要喊喇。

由頭喊到落尾嘅佢又話,希望可以藉住MV同新歌,提升自己說故事嘅技巧同能力咁話呀。而On仔早前拍嘅新歌MV同樣大考驗,要獻出螢幕衫吻之餘,仲要被拍檔兜巴星,呢日佢就回憶拍攝時嘅感覺,仲話女主角出盡全力打自己之後又Kiss,真係乜感覺都有齊喎。

撞正即將生日嘅ANSONBEAN似乎聽得非常投入,仲獲師兄師姐即場為佢突擊慶祝,佢就話希望自己繼續喺各方面都有進步,推出更多唔同作品,最重要係想搵個女朋友仔拍吓拖呀。

 相關推薦