欣宜新歌MV公開首播 夥On仔ANSONBEAN商場開騷

鄭欣宜 呢日同 陳健安 仲有 ANSONBEAN 一齊喺商場演唱，欣宜近日推出嘅全新歌曲MV亦喺呢日正式首播，當中欣宜仲有唔少深情演出，佢就話今次對自己係一個大挑戰喇。欣宜仲話拍攝足足用咗成20個鐘頭，仲要一開始第一個鏡頭就要喊喇。

由頭喊到落尾嘅佢又話，希望可以藉住MV同新歌，提升自己說故事嘅技巧同能力咁話呀。而On仔早前拍嘅新歌MV同樣大考驗，要獻出螢幕衫吻之餘，仲要被拍檔兜巴星，呢日佢就回憶拍攝時嘅感覺，仲話女主角出盡全力打自己之後又Kiss，真係乜感覺都有齊喎。

撞正即將生日嘅ANSONBEAN似乎聽得非常投入，仲獲師兄師姐即場為佢突擊慶祝，佢就話希望自己繼續喺各方面都有進步，推出更多唔同作品，最重要係想搵個女朋友仔拍吓拖呀。