大S申查封前夫名下資產 汪小菲百萬床褥直播肢解

正在使用小窗口模式播放

大S申查封前夫名下資產 汪小菲百萬床褥直播肢解

加載中...

台灣女星大S 徐熙媛舊年宣佈同北京商人汪小菲離婚之後,近日因為前夫 汪小菲 未支付500萬新台幣生活費,而入稟要求查封對方喺台灣嘅資產鬧上法庭,引發呢對冤家新一輪網上戰爭。

汪小菲爆發指大S仍使用當年特別訂製要價成250萬港幣嘅天價瑞典床褥,仲火燒前姨仔小S 徐熙娣同許雅鈞夫婦一家。而大S喺22號就立即將床褥運往汪小菲名下嘅酒店門外,23號下午又發公開聲明逐一反駁男方嘅指控。

聲稱會去台灣見一對子女嘅汪小菲人影就未見,不過亦回應大S似乎想停戰,但係到傍晚時份,佢名下酒店嘅公關就有工作人員將呢張疑係舊日愛的象徵搬去酒店門外,仲即場用刀將床褥解體,當地傳媒除咗直播情況之外,甚至乘機坐吓睇吓幾十萬一張嘅床褥有幾厲害,呢張據指根據大S身形特製嘅床褥,之後就好似佢哋兩位新聞主角一樣,逐步一層一層被分解喇。

 相關推薦