法證先鋒V｜Bosco落水拯救鄭俊弘 出盡力狂游無功而還

台慶劇《法證先鋒V》扮演冷面法證人員嘅 黃宗澤 ，為咗救遇險嘅徒弟 鄭俊弘，不惜一切衝入海中狂游拯救，可惜最終無力回天，阿Fred遇害身亡。

心急如焚嘅Bosco為咗拍攝呢場戲，當日就出盡力狂游多次，一向鍾意水上活動嘅佢，因為開工而久未落水，就惟有借呢次拍攝浸吓水過癮喇。拍戲要落水但係又要顧化妝髮型同表情，拍完又要緊接下一場，真係少啲體力都搞唔掂，Bosco就話最衰都係 王敏奕 喎。

參演過各輯《法證》嘅「元老」阿Fred，就話剛入行就有機會參與第一輯演出，轉眼已經十幾年時光，雖然今次不幸殉職，不過阿Fred就話同Bosco合作非常開心喇。