《仁濟心》本周六首播 鮑起靜重溫片段感動落淚

正在使用小窗口模式播放

《仁濟心》本周六首播 鮑起靜重溫片段感動落淚

加載中...

TVB製作由真人真事改編嘅5集短劇《仁濟心》將於11月26號晚上首播,逢星期六晚播出,有份參與嘅演員鮑起靜(鮑姐)、蔣家旻、寶珮如、文雪兒及吳家樂等,呢日現身宣傳分享,鮑姐重溫片段時一度感動落淚。

鮑姐喺《仁濟心》擔任主持,佢大讚眾演員做得好好,令人感動,大家好有感情同愛心,蔣家旻喺《仁濟心》演一個被父母拋棄嘅細路女,入咗兒童之家,後來得到寄養家庭嘅「媽媽」文雪兒無條件付出嘅愛,而文雪兒喺拍呢個短劇當中,體會到愛嘅偉大,向寄養家庭致敬。

台慶劇《下流上車族》成為今年頒獎禮大熱,鮑姐有份競逐最佳女主角,鮑姐感到好開心,亦好有信心,認為每個人都有機會。

吳家樂飾演小兒麻痺症患者,每個畫面同表情均要認真處理,佢希望透過故事向大眾帶出正能量,佢覺得最難係演繹上,唔想讓人感到角色係矮化咗患者。

 相關推薦