MC張天賦2023年1月首踏紅館舞台 舉行3場演唱會

MC 張天賦於2023年1月20號至22號初登紅館,舉行一連三場《This is MC》演唱會,門票將於12月20日城市售票網公開發售,人生第一張個人演唱會海報,MC直言concept來自父親生前最喜歡嘅一套電影「教父」,MC表示教父形象入面,成日會有一隻貓跟住,所以今次就引用咗呢個concept,請咗隻貓嚟同佢一齊影海報,形象上有少少以教父為reference致敬。MC張天賦近年聲勢相當好,今日正式宣佈登紅館開個唱。MC張天賦近年聲勢相當好,今日正式宣佈登紅館開個唱。今次有份演出嘅兩隻貓,其一隻係擁有「貴族貓咪」之稱嘅俄羅斯藍貓(Russian Blue),係一隻叫「虎虎」一歲貓貓,更係曾經參賽得過冠軍貓咪,而另外一隻半歲貓叫叮叮,本來當後備,怎料最後叮叮跑出,因為叮叮性格平易近人,代替哥哥虎虎好多出鏡位置。

MC張天賦剛發佈演唱會海報分享好消息。MC張天賦剛發佈演唱會海報分享好消息。

MC 本身冇養貓,所以初見貓貓雖然唔係好怕,但佢擔心控制唔到貓咪,「貓貓主人教我點同佢哋相處,所以好快時間內就已經得到想要嘅相片,過程幾得意同好玩。」
MC跟洪嘉豪Kaho早前九展演唱會場場爆滿,絕對是炙手可熱的人氣歌手。MC跟洪嘉豪Kaho早前九展演唱會場場爆滿,絕對是炙手可熱的人氣歌手。

嚟緊紅館三場演唱會,問到MC有咩期待?MC坦言心情興奮:「唯一擔心嘅地方係第一次自己搞一個咁大型嘅show,狀態、體力等問題,但係都期待嘅興奮嘅緊張嘅。」目前MC已開始籌備演唱會,希望繼上一次演唱會跳完舞之後,今次一樣可以跳到舞,帶多啲驚喜畀大家,同埋希望增加自彈自唱玩樂器嘅環節。
MC首度開個人演唱會,預料會廣邀好友做嘉賓。MC首度開個人演唱會,預料會廣邀好友做嘉賓。今次MC個唱只得三場,外間有不少反對聲音,嫌佢開得太少,MC笑言:「我真係唔知呀,所有都係等公司安排,希望大家都可以買到飛。公司如果場地安排到可以加場當然希望可以加場啦。」

 相關推薦