《中年好聲音》11.27開播 42歲廚師顏志恒獲張佳添讚係黑馬

TVB推出全新綜藝歌唱真人騷《中年好聲音》，專為35歲或以上嘅朋友而設，提供千載難逢嘅演出平台，畀佢哋向夢想再出發！《中年好聲音》將於周日（27號）起首播，逢周日晚九點半於翡翠台播映，並由車婉婉擔任主持，評判團有Maria Cordero（肥媽）、張佳添、伍仲衡、林志美、周國豐。 42歲顏志恒係一名酒店廚師，網上人氣NO.1。
無綫Facebook專頁「See Saw先」日前（10號）發起全城派Like大行動，測試100強參賽者人氣指數，上周五晚公佈人氣榜TOP3為李泇霖（875票）、邱芷微（861票）及顏志恒（835票），經過多日投票（數據截至24號中午12時），人氣榜排名出現變動，顏志恒以1,479票揮低李泇霖及「賈名媛」邱芷微成為人氣NO.1，至於第2位則由異軍突起嘅馮志豪以1,364票奪得，而李泇霖及邱芷微分別得到1,110票和1,053票排第三、四位。

現年42歲嘅顏志恒，報稱係一名酒店廚師，面試當日佢透露：「由細到大最鍾意就係唱歌，因為得唱歌先搵到唯一嘅成功感，讀書唔叻，同埋又唔係生得靚仔，讀完書之後掛住搵食做嘢，就放棄咗自己理想，做完嘢就順理成章結婚生仔，到依家先有時間唱吓歌。」佢喺面試環節獻唱《一首歌一個故事》，獲評判之一嘅曾志偉大讚有感情。 40歲嘅馮志豪係一名商人，獲得太太全力支持參加比賽。
至於現年40歲嘅馮志豪，報稱是一名商人，講到參賽目的係本身鍾意唱歌、熱愛舞台，希望藉住《中年好聲音》呢個平台可以豐富自己人生，佢更獲太太全力支持追夢：「我老婆同我講，你係咪玩？你一係唔好玩，一玩就要全力以赴！」「屯門娜娜」董幸兒首集會登場。樂壇天后李玟嘅胞姐李思林。周日晚播出嘅首集睇頭十足，觀眾比較熟悉嘅參賽者將輪住登場，包括有「屯門娜娜」之稱嘅董幸兒、樂壇天后李玟嘅胞姐李思林、前港姐冠軍曹敏莉嘅胞妹曹敏寶、曾出道做歌手嘅周吉佩、組合E-kids成員郁禮賢等，當中有人歡喜有人愁。