[獨家]林鈺洧澄清非不雅片主角 由TVB同事陪同下到警署報警求助

正在使用小窗口模式播放

[獨家]林鈺洧澄清非不雅片主角 由TVB同事陪同下到警署報警求助

加載中...

近日網上流傳一段不雅影片,有報道指有人向傳媒兜售片段,並稱片中人疑似係應屆港姐Denice林鈺洧,就此事Denice喺TVB同事陪同下去到香港警察總部報警。

對於被指疑似係不雅片中主角一事,Denice接受TVB娛樂新聞台訪問,表示自己收到消息時都大感驚訝,並堅定表示片中人並唔係自己,因為佢好清楚自己冇做過呢啲事,所以覺得有必要報警備案。Denice又指自己最初收到聲稱疑似係佢嘅cap圖時,自己都不以為意,因為佢好清楚相中人並非自己,但佢估唔到啲相會周圍流傳,而且謠言越炒越熱,有感事情變得嚴重咗嘅Denice,就覺得需要報警求助。Denice表示多謝公司對自己嘅信任、支持同幫助,問到佢心情有冇受事件而影響?堅強嘅Denice就話自己好快可以調整好。

而TVB亦於25號發出聲明,表示該片段跟Denice完全無關,並表示日後如果有惡意明示或者暗示不雅影片中人為Denice林鈺洧,公司同Denice都唔排除會採取法律行動。

 相關推薦