王丹妮現身倫敦與「007」丹尼爾基克同枱用餐 預告《毒舌大狀》呈現不同面向

日前王丹妮(Louise)專程飛到英國出席喺倫敦舉辦嘅品牌活動,作為東亞地區唯一代表,與來自世界各地嘅藝人交流,更有幸跟國際巨星「007」丹尼爾基克(Daniel Craig)同枱用餐,不過避免打擾對方就未有合照,能夠同枱已覺得極度開心。


占士邦登上銀幕60周年重要日子,手錶品牌特地於倫敦舉行一場007主題慶祝活動。占士邦登上銀幕60周年重要日子,手錶品牌特地於倫敦舉行一場007主題慶祝活動。對於再度外出工作,王丹妮自言相當開心,下個月就到聖誕節,當地唔少商場同街道已掛上極具氣氛的聖誕燈飾,佢好興奮可以提前感受聖誕節氣氛。 


王丹妮打扮成「邦女郎」感覺嘅造型現身。王丹妮打扮成「邦女郎」感覺嘅造型現身。王丹妮今趟英國之旅為期只係短短兩、三日並且係為咗工作,行程趕急連睡眠時間都唔夠,不過佢自言係工作狂,早前雖然出席Fashion week,但真係好久冇外遊,所以今次佢非常珍惜可以飛往外地嘅日子,寓工作於娛樂,令整件事相當美滿。


王丹妮走進倫敦某地下「秘密基地」進場。王丹妮走進倫敦某地下「秘密基地」進場。

王丹妮結束工作後仍有半日時間可以去購物,佢最希望買到特別嘅小禮物送畀由澳洲返港嘅老公同家人,一起歡度聖誕。


王丹妮與卸任007「本尊」Daniel Craig亦有出席活動。王丹妮與卸任007「本尊」Daniel Craig亦有出席活動。王丹妮稱過去3年因疫情難以外出工作同旅遊,呢三個月來就似補回過去冇旅行嘅遺憾,佢希望可以繼續去唔同地方,譬如日本、泰國、德國、北極睇極光,喺工作同日常生活之中取得平衡。

呢架「戰車」Aston Martin喺電影中與007出生入死過。呢架「戰車」Aston Martin喺電影中與007出生入死過。


 此外,王丹妮講到自己因為電影《梅艷芳》而愛上演戲同演員呢份職業,除咗模特兒嘅工作外,會慢慢將重心移到演員上,當初十分幸運地碰上咁好嘅機會,透過電影獲得好大嘅成就感,但絕唔會因此而自滿,自知自己作為新演員必然繼續努力來報答觀眾,希望表現出多方面嘅自己,帶出唔同嘅新鮮感,接下來有電影《毒舌大狀》同拍新劇跟大家見面,希望作品快啲面世,好讓觀眾見到不一樣嘅自己。


王丹妮寓工作於娛樂,提前感受聖誕節氣氛。王丹妮寓工作於娛樂,提前感受聖誕節氣氛。

 相關推薦