由黃偉聲監製《輕．功》，將緊接台慶劇《超能使者》，逢星期一至五晚九點半翡翠台播放，演員陣容包括黎耀祥、龔慈恩、蔣祖曼、朱晨麗、朱敏瀚、鄭子誠、歐瑞偉、韋家雄、寶珮如、王綺琴及楊卓娜等。

《輕．功》演員同樣值得關注，睇呢張相就知大家合作得相當愉快。
被選為《2022年香港國際影視展》推介劇集之一嘅《輕．功》，幕後班底不容忽視，無論係監製聲哥或是編審龍文康均係「言情」高手，佢哋更係《老表》系列黃金組合；聲哥除咗《學警》及《老表》系列，亦係去年叫好叫座台慶劇《換命真相》監製，至於龍文康參與過電影編劇作品則包括《門徒》、《野．良犬》等，其聯合編劇嘅電影《樹大招風》，更榮獲第53屆金馬獎最佳原著劇本，及第36屆香港電影金像獎最佳編劇，實力不容忽視。

黎耀祥喺預告片話「輕功係一種活得自在嘅生活態度」，但有幾多人做到？「放輕自己，做人唔再咁執著」，呢樣都係唔易做到。
《輕．功》故事講述一代當紅女星繆妙（龔慈恩飾）嫁前武師洪十一（黎耀祥飾）後息影，專心相夫教子，兩公婆多年來人前人後均表現恩愛，劇集一開始，繆妙便因患病時日無多，喺倒數日子，十一竭盡所能、強忍傷痛陪伴積極抗病嘅愛妻走完人生最後旅程，其間更與一眾好友落力為繆妙完成「飛」嘅心願...「輕功」就係一種學懂放「輕」自我的人生「功」課，像劇中男女主角黎耀祥及龔慈恩，一個要面對「喪偶」，一個要面對「離世」，兩個都係人生重要課題，尤其面對「喪偶」嘅十一往後日子仲要繼續，最終又點樣學會釋懷及放下？

黎耀祥同龔慈恩劇中飾演恩愛夫婦。蔣祖曼、朱敏瀚飾演黎耀祥嘅子女。

日前《輕．功》釋出首個劇集宣傳片，以「100個人，100種共鳴」作宣傳重點口號，配以黎耀祥充滿感情嘅VO「放輕自己，做人唔再咁執著」及「輕功係一種活得自在嘅生活態度」，為一連二十五集嘅「輕功人生課堂」揭開序幕。

一個面對「喪偶」，一個要就面對「離世」，佢哋究竟點樣做到釋懷同放下？
近年維持一年一劇嘅祥仔，是次角色再見突破，由於劇情發展偏向生活化、冇太多戲劇元素，隨住發人深省嘅人生哲學式對白，無論劇情或人物性格自然流暢，對於演員演技自然係大考驗，而祥仔呢次除咗要應付內心戲，更要飾演比自己真實年齡成熟嘅角色，難得佢全程均演繹得入型入格，大大增加劇集真實感。

祥仔今次個角色內心戲比較多，非常考演技。
至於出名保養得宜嘅龔慈恩，是次不但要飾演病重嘅繆妙，現年59歲嘅龔慈恩仲要分飾年青時風華絕代嘅繆妙，龔慈恩受訪時感激監製同編劇為佢創造呢個角色：「繆妙係我從演以嚟最討好嘅角色，喺佢死咗之後仍得到好多人嘅愛，呢樣好難得。至於劇裏面演後生版要經過好多團隊嘅幫忙，包括攝影、燈光、化妝、後期製作等，好多謝大家幫我塑造呢件事。」

龔慈恩好感激祥仔嘅鼓勵，令佢可以放開去演繹出兩夫婦恩愛嘅一面。
龔慈恩特別感激祥仔鼓勵佢放開去演：「我有啲古板啲嘅觀念，一把年紀要演啲比較恩愛嘅場口，唔係好放得開去做，好多謝導演同祥哥一直鼓勵我放開去演，同埋依家年代唔同，喺街上好多退休夫婦都好Sweet，其實不論咩年紀，兩夫婦都應該去互相痛愛對方，呢個先係正確嘅態度。」

黎耀祥同龔慈恩嘅古裝扮相都係亮點之一。
談到劇中有唔少古裝造型及吊威吔場面，龔慈恩笑言從未抗拒吊威吔：「不嬲都覺得幾好玩，反而擔心某啲動作做得比較笨拙，始終依家年紀大，未必做到佢哋要求，但今次表現都OK。」龔慈恩續透露最愛白色系的古裝：「我幾鍾意演古裝，以前試過喺幾個月內演晒人、鬼、神三種唔同古裝角色，仲要同一時間都係着白色衫，感覺都幾特別。」

兩人仲會齊齊吊威吔，真係唔簡單。
《輕．功》 逢周一至五晚九點半翡翠台播映

TVB飲食節目《肥媽李鼎》，重溫上周三播出一集，主題是「極愛極恨娛樂圈」。鼎爺再分享視帝黎耀祥的辛酸史，鼎爺透露祥哥演完《西遊記》豬八戒後，事業曾經跌落谷底，更一度想過要轉行，幸好祥哥後來遇上「柴九」這個角色，成就其登上事業高峰。肥媽更重提當年無辜捲入「甄妮批G.E.M.鄧紫棋無禮」風波一事，想知肥媽講咗乜？

身為娛圈新丁的游游，還請教兩位前輩小錦囊，肥媽教路：「隻眼要打開，隻耳要打開，隻嘴要收埋。」鼎爺則說：「早到遲走，坐埋一邊，睇人哋邊度好邊度唔好。」

肥媽之後問到入行4年的游游想有幾紅？游游說：「相對於紅唔紅，我其實想賺到錢多啲。」肥媽聞言即說：「呢句洗咗佢，對住塊鏡同自己講，我一定會紅、我一定會紅、我一定會紅，真係有用㗎，我最窮嗰時都係咁樣對住塊鏡咁講。」

鼎爺一道「榴槤肉拌飯」，蘊含娛樂圈箇中複雜滋味。