吳亦凡罪成被判囚13年加驅逐出境 涉逃稅被追繳6億元

吳亦凡去年涉及強姦及聚眾淫亂案,11月25號經北京市朝陽區人民法院一審後,吳亦凡被判有期徒刑11年6個月,而聚眾淫亂罪判處1年10個月,合共有期徒刑13年,附加驅逐出境。

身為事件受害人之一網紅都美竹得知判決後,在微博留言「終於等到」,同日央視新聞亦公佈吳亦凡疑逃稅,被追繳罰款6億人民幣。

藝人吳亦凡於2007年通過全球海選,不理家人反對,前往韓國受訓成為練習生,其後以男團EXO出道,2014年爆出吳亦凡不滿SM娛樂對中國大陸藝人不公平待遇為理由,提出解除同公司嘅合約,糾紛至2016年終止。

承接在EXO嘅人氣,吳亦凡喺內地發展不錯,時裝代言、歌影視均有參與,知名度有增無減,點知一場桃色風波,令吳亦凡事業形象直插谷底,2021年當時18歲嘅內地網紅都美竹爆出與吳亦凡嘅關係,指吳亦凡以選MV女主角,同工作室簽新人為由,約女仔去酒局,甚至將酒局變成選妃大會,又以千字文揭吳亦凡嘅惡行,吳亦凡亦透過微博及工作室平台表示自己係清白,其後北京公安部指吳亦凡涉及強姦罪遭刑事拘留,事件經過一年幾調查,呢日終於有定案,裁定吳亦凡罪成,但有部份fans仍然唔太相信結果。

 相關推薦