法證先鋒V|KK為不肖妹孭殺人重罪 楊玉梅到老唔生性悲劇收場

台慶劇《法證先鋒V》25號晚一集,可以話係 張國強 (KK)同 楊玉梅 嘅演技大鬥法。劇情講述武志佳( 張國強 飾)同 方穎兒( 楊玉梅 飾)原來係兩兄妹,當年穎兒偷渡來港時誤殺蛇頭林發,為咗保護妹妹,志佳( 關曜儁 飾年青版)以水泥埋屍。豈料穎兒最後竟走上騙財歪路、對女兒靜恩( 江芷銦 飾)亦未盡母親責任,仲將志佳埋沒良心換嚟嘅50萬一夜清輸光。

忍無可忍嘅志佳決定同穎兒同歸於盡,其間同重案組發生激烈對峙。 KK年頭憑《鐵拳英雄》中嘅黑幫反派角色彭堅成功彈出,今次喺《法證V》再送驚喜, 飾演因為冤獄與世隔絕多年,出獄後想重新出發但又力不從心嘅滄桑低下層,同以往「有錢」Image大相逕庭,仲要應付大量內心戲。

至於飾演妹妹穎兒嘅楊玉梅,去年年尾憑《異搜店》成功彈出,演技一再備受肯定。擅長演繹人性黑暗面嘅佢,今次飾演「諗埋一邊」嘅悲情窮媽媽,連場落淚爆Seed場口同KK一樣贏盡好評。對於佢哋嘅精湛演出,唔券觀眾都留言大讚,而自覺當年為「掩護」妹妹愧對已故女友晶晶( 羅毓儀 飾)嘅志佳,事隔多年再因妹妹被逼放棄為晶晶翻案念頭,角色情緒複雜,KK亦將當中嘅絕望同悲憤演繹得恰到好處。

KK受訪時坦言單係角色造型已經非常大挑戰:「佢哋想我憔悴啲、要有啲老態、唔可以太精神,呢啲都考起我。尤其頭髮,每次都要用人手油白色同油灰色,咁啲白髮先上到色,淨係頭髮初初都要花成個鐘或以上搞。個妝又要噴好多老人斑,但去到後期熟手咗,頭髮連妝一個 鐘頭多啲就搞掂。」

KK指最後一場攞刀脅持楊玉梅嘅戲份,拍咗一日亦喊足一日:「呢套劇每場喊戲都需要唔同嘅表達,都幾考功夫。我自己最鍾意係Ending,由脅持到同人對話再到幻想番個女主角(晶晶)出嚟,幾乎由朝到晚都係喊戲,甚至乎畀對手嘅反應戲,為咗做足啲我都係真喊嘅。呢場戲我好滿意,都好大滿足感。」


KK真刀脅持士多啤梨再聲淚俱下憶苦況,睇到人心都痛埋KK真刀脅持士多啤梨再聲淚俱下憶苦況,睇到人心都痛埋
據知為增加真實感,脅持戲用嘅原來係真刀,雖然劇組已事先為真刀包膠紙確保安全,不過由於脅持過程激烈,拍攝過程險象環生,楊玉梅仲因而玉頸受損,KK話:「因為我要講一大堆對白,又要喊又要好激動,拍咗一日後搞到玉梅條頸有啲損損地同埋瘀咗,真係辛苦晒佢。」

雖然刀具包晒膠紙,不過士多啤梨依然受到少少損傷,令KK非常唔好意思雖然刀具包晒膠紙,不過士多啤梨依然受到少少損傷,令KK非常唔好意思

而士多啤梨就話要感激KK拍攝時全程錫住自己: 「佢好小心,好擔心會整到我,雖然拍完都係好多條痕,但成件事真係幾難忘。因為嗰幾場戲把刀好近我哋個頭,又成日要影我哋大頭,所以係唔可以用假刀。」佢又笑指很開心可以同KK再合作擦出火花:「可以同咁有心嘅演員做對手真係非常非常好。」

談到呢個角色,士多啤梨坦言係非常大挑戰:「角色好慘好苦,基本上場場都喊到豬頭咁,最慘係每場戲喊完個頭好痛,眼又會腫,但可能下一場戲又唔使喊喎,為咗連戲又要令自己唔 好腫得咁緊要。」佢又話難以抽離角色:「由開工到收工都要好傷感,有時放工都會唔開心,唔想同人接觸,好在呢個係一個短嘅故事,如果長劇咁慘就慘喇!」

佢地仲難得苦中作樂,喺情緒咁大負擔下仲識自拍搞笑合照佢地仲難得苦中作樂,喺情緒咁大負擔下仲識自拍搞笑合照

 相關推薦