唐詩詠爆Seed為姊報仇 奸鬼Penny歸西人人叫好

劇情發展白熱代嘅台慶劇《超能使者》，25號一集首度驚現「黑化異能」！劇情講到一班「超能使者」趕到貨倉拯救被挾持嘅晴晴(林靖文 飾)，期間賀逸熹 陳國峰 Penny 飾)威逼眾人互毆，仲命令手下糟質「超能使者」，衰格到冇人有！之後佢更親口承認自己就係殺死Q姨 唐詩詠 飾家姐喬若詩(楊卓娜 飾)嘅幕後黑手。

此言一出，悲憤交加嘅Q姨就爆Seed被激發出「黑化異能」，瞬間將所有「後遺病症」轉移到逸熹身上，令逸熹當場斃命死狀恐佈。拍攝爆發「黑化異能」呢一幕，監製 文偉鴻 就透露由夜晚9點一直拍到清晨5點先完成，本來打算拍畢大量動作場口就收隊，等詩詠可以唞足精神隔日再拍攝爆Seed同喊戲，但係情緒到嘅詩詠就堅持繼續拍攝，最終演技大爆發一Take過完成。

監製大讚詩詠非常專業：「詩詠真係有超能力，係完美情緒操控師，嗰段戲拍咗20分鐘就搞掂，佢演得真係好好！」

至於飾演高勇嘅 陳山聰 喺劇中一度被人以膠袋笠頭襲擊，狀甚痛苦，山聰透露當日係「真．笠膠袋」閉氣拍攝，身為「Crazy Runner」成員嘅佢仲笑言：「可能因為我跑開步、肺活量大，所以頂得住，亦冇辛苦感覺，同埋監製、武指都喺現場睇實，我一頂唔順就會打Signal，所以都唔驚。」

而壞事做盡嘅「邪惡黑二代」逸熹終於Game Over，就令網上出現一片歡呼聲同時大叫抵 死喇。連Penny自己就話：「我覺得賀逸熹死十次都唔夠！好多街坊同朋友都話角色好衰、差啲用粗口鬧我，但我好開心、好有滿足感。」近年成為「御用反派」嘅佢仲話唔打算從良」，「我沉醉喺反派角色裏面， 因為發揮係多啲。」

呢集另一焦點係高守 林子善 飾)Level up，激發超能力嘅過程仲非常切合搞笑角色人設。劇情講到高守教阿七 伍樂怡 飾)剪電線，大懵嘅阿七竟未掹電源電線，搞到高守當場觸電倒地；結果要阿七瘋狂掌摑、亂按心口同人工呼吸下，先大難不死再解鎖「讀心異能」，更意外「竊聽」到阿七暗戀自己兼迷戀其「爆肌 Body」嘅少女心事，之後亦順理成章發展成情侶。

對觀眾大讚角色喜感十足，子善大爆拍攝被阿七急救一幕時，至少捱摑成二、 三十巴，仲要每一巴都摑到「砰砰」聲，不過佢就認為大家睇得開心就值得喇︰「我叫佢認真打一次好過 NG打好多次，然後我哋傾好佢點打、我點順住方向擰個頭，點知佢太緊張忽然反手打，我塊面食到應晒，打到我滿天星。」而「讀心異能」睇落似乎渣過其他人，佢就搞笑反駁話：「我覺得讀心術都唔弱，對於之後劇情仲有好大嘅功能，係令成件事扭轉添，想知係點就繼續追睇啦。」