鄭伊健前晚（25日）舉行第7場紅館騷，林建岳、劉偉強導演與太太、林海峰、蔡卓妍、黎諾懿及兒子「小春雞」黎峰睿等捧場。鄭伊健噚晚（25日）舉行第7場紅館騷，不少圈中好友前來捧場。

鄭伊健先後唱《友情歲月》、《極速》和《全城效應》等快歌，全場high爆，劉導演、阿Sa與全場觀眾企晒起身跳舞，阿Sa揮動燈牌不停尖叫，非常落力，而劉導演更用手機為佢拍下興𡚒跳舞片段。當伊健與黃淑蔓、雲浩影等合唱《一對對》時，觀眾更拎出手機亮著電筒，整個場館一片燈海，猶如見到一對對螢火蟲，十分壯觀。

劉偉強導演用手機為阿Sa拍下興𡚒跳舞片段。阿Sa揮動燈牌不停尖叫，非常落力。

整個場館一片燈海，猶如見到一對對螢火蟲。

而呢晚Encore環節，伊健畀觀眾驚喜，佢表演唱《自動勝利Let’s Fight》，以及《遇怪魔我識得變大個》後，對觀眾笑言：「個騷完咗，你哋可以走，亦可以留低睇我表演。咁我表演咩？其實我唔係人類，我係會變身。」然後佢一邊做出「幪面超人」變身動作，一邊唸出日語口訣，仲唱日語版「幪面超人」主題曲，又跳高又踢腿，手舞足蹈，全場爆笑，伊健解釋：「你哋唔好以為我做騷做到傻咗，因為我有個前輩級嘅日本朋友，山長水遠嚟我演唱會，我又唔識其他日文歌，淨係識呢首，希望有人為我翻譯畀佢聽。」

伊健一邊做出「幪面超人」變身動作，一邊唸出日語口訣。伊健唱日語版「幪面超人」主題曲，又跳高又踢腿。

之後伊健知阿Sa有嚟捧場，特意唱出阿Sa最鍾意嘅《內傷》並續說：「有位朋友每次嚟睇我演唱會都指定要我唱呢首歌，希望你鍾意。」阿Sa專屬點唱，伊健果然非常窩心，最後伊健以勵志快歌《打開你未來》同《Stronger》為呢晚演唱會完美落幕。伊健知阿Sa有嚟捧場，特意唱出阿Sa最鍾意嘅《內傷》。黎諾懿當年拍攝劇集《隨時候命》時認識大哥哥鄭伊健，相識近廿年，諾懿曾講過慶幸在低潮期有伊健陪伴。最後伊健以勵志快歌《打開你未來》同《Stronger》為呢晚演唱會完美落幕。

劉偉強導演與太太一齊睇騷。

黎諾懿呢日出席本地有機食品活動，即場示範煮有機菜式，黎諾懿一向煮嘢食好叻，原來佢都有教兒子「小春雞」黎峰睿下廚，雖然好多人會覺得畀小朋友下廚好危險，不過黎諾懿覺得小朋友應該自己成長，喺「小春雞」3歲嗰年，黎諾懿已教阿仔煮即食麵：「係男仔嚟，我係會畀佢試，阿仔而家埋位係成日炒嘢同煎嘢，好多嘢都會做。」

黎諾懿爆大仔表演慾太強，笑言唔敢帶阿仔到現場，因為阿仔會要求上台及煮嘢，黎諾懿無奈：「佢而家覺得自己嘅廚藝同焦點度都出名過爸爸，佢嚟到要花好多時間唔畀佢上台，跟住又要喺台上介紹我位公子喺台下，所以大仔比較麻煩啲，成日想出鏡，離晒譜！細仔就好啲，不過費事老婆要照顧細仔，大仔又要扭上台。」

黎諾懿亦唔介意同大仔父子檔拍節目，不過要求公司要出糧畀阿仔，暫時佢都希望阿仔係過小朋友生活，學劍擊同游水，黎諾懿始終唔想阿仔成日上鏡。