李麗珍出山拍新戲 開鏡前不慎扭傷腳

李麗珍出山拍新戲 開鏡前不慎扭傷腳

舊年演出完話題作《濁水漂流》之後,李麗珍呢日就以增肥形象現身新片嘅開鏡儀式,喺新片會扮演 李靖筠 同 陳湛文 媽咪嘅佢,呢日出現就被發現腳上包晒繃帶,原來佢日前喺屋企唔小跌倒,珍妹仲話自己一直都大頭蝦,不過今次就叫做傷勢最重喇。

拍攝團隊就為咗受傷嘅佢作特別安排,仲有「專車」輪椅方便佢出入拍攝呀。珍妹又大讚兩個仔女拍檔開朗又聰明,仲講起自己點樣照顧仲有同囡囡相處呀。

星光路上丨王敏奕自認吟噚爆老公嘈交好識閃 曾國祥讚《婚後事》 情慾戲拍得好

王敏奕喺TVB話題劇《婚後事》飾演介入陳子瑤與羅子溢婚姻嘅「終極誘惑」」Mira,表現亮眼,一改昔日純情形象,呢日王敏奕接受TVB娛樂新聞台節目《星光路上》訪問,與主播潘盈慧談及最初拍TVB劇係因為被李麗珍睇中!

王敏奕一開始拍廣告及做茄哩啡,然後佢又試吓電影casting,直至有機會參加海選,王敏奕去TVB面試,當時被李麗珍選中,兩日後獲通知飾演《女人俱樂部》後生版朱莉,王敏奕得個幾月準備練舞同拉筋,直言拉筋拉到喊,佢因呢套劇與陳瀅、糖妹成為好姊妹,至今相識11年,三人依然感情要好。

王敏奕印象最深刻係拍《婚後事》有句「你愛唔愛我」,佢認為呢句說話係每個女仔都會問,每個女仔都知背後嘅底蘊,然而會去問,王敏奕當時好想嗰場戲令觀眾有窒息感;已婚嘅王敏奕坦言愛情觀跟角色「Mira」有啲似,好享受拍拖同付出,王敏奕笑指自己為人較務實,唔鍾意勉強,亦唔想死纏爛打。

而王敏奕與老公曾國祥現實中冇乜嘈過交,二人遇到任何問題,王敏奕自認吟噚,最重要諗點解發生呢件事,相反老公曾國祥好識閃,佢笑言有時老公閃多兩吓,自己就冇癮唔傾,認同生活係需要磨合,冇咩需要將小事化大,講到《婚後事》有好多情慾場口,王敏奕指老公有睇過啲片,有讚該劇拍得幾好,感覺同平時TVB劇唔一樣,對於老婆演出獲讚,曾國祥有睇到新聞亦好戥老婆開心。

 相關推薦

熱門搜尋