子華神宣傳將上映新作 角色與余樂天大相逕庭

由 黃子華 同 王丹妮 等主演嘅新片《毒舌大狀》呢日進行宣傳，雖然新片仲未上映，不過已經有觀眾將角色同正深夜重播嘅經典處境劇《男親女愛》相提並論喇，不過子華呢日就話 余樂天 同新片角色完全唔可以相提並論咁話喎。

新片入面子華係一位曾任法官嘅律師，咁就梗係同成日好食懶飛嘅衰仔天冇得比啦，仲話直情係第二個層次，又話要同Miss Mo律師行一班同事爭生意打對台咁話呀。

Louise早前喺《梅艷芳》嘅演出一嗚驚人，今次就喺新片扮演惹上官非嘅模特兒，仲有坐監戲，更加要素顏再扮醜，話想有再接近真實嘅演出咁話呀。