「大眼雞」余子明設靈後輩送別 馮素波憶妹夫昔日往事

從影多年；因為「大眼雞」、「姜子牙」等角色令唔少觀眾有深刻記憶嘅資深演員 余子明 月初病逝，享年80歲。

家人27號為佢治喪，喪禮以佛教儀式舉行，靈杜堂佈置清雅，家人選擇一張子明叔戴帽微笑嘅相片作遺照。大批圈中人致送花圈哀悼，擺滿整個靈堂，亦有唔少有心後輩好似林家棟、徐榮、趙希洛、姜大衞同李琳琳夫婦等都有到場送別。而子明叔嘅兒子余天佑就指，喪禮都係依爸爸意願舉行。

佢又講到媽媽 馮素雲 心情已經教早前平復，又提到子明叔喺睡夢中離世，未受太多痛苦。而到場送別妹夫嘅 馮素波 亦指子明叔遺容安詳，當年一手介紹妹妹同子明叔叔認識嘅佢，仲因外界一知半解令兩人曾傳出緋聞，呢日波姐就難忘同呢位親密到成為家人嘅故友往事喇。