《愛．回家》醜女「李莫仇」張詩欣跟攝影師男友陳家勝結婚，由羅天宇、許家傑及周志文等擔任兄弟，姊妹團就有朱斐斐、芷晴、陳靖雲。
張詩欣同老公喺台上甜蜜錫錫，現場起哄大叫，新郎陳家勝喺台上致詞時，感謝各人到場，同時稱開心加入TVB後認識到太太，亦多謝同事們照顧。
不少圈中台前幕後好友出席婚宴，包括李佳芯、陳瀅、蔡思貝、劉佩玥(Moon)、JW、朱敏瀚、陳瀅、張達明、周嘉洛、鄭丹瑞、洪永城、徐榮、余思霆、蘇皓兒、鄺潔楹(Judy)、林凱恩、翟威廉及張振朗等。
到拋花球環節，陳瀅、李佳芯、蔡思貝及阿Moon等眾人出嚟搶花球，最後由翟威廉搶到，蔡思貝同阿Moon恭喜翟威廉，叫佢快啲結婚。
