由文偉鴻（Jazz）監製嘅台慶劇《超能使者》將於本周一至五晚上9點半翡翠台播放結局篇，上周劇情講到Q姨（唐詩詠飾）首度爆發「黑化異能」，並施展「暗黑挪移」將大奸角賀逸熹（陳國峰飾）消滅，旋即掀起網民重新「洗牌」再估Final Boss。

異能失靈的「超能使者」亦會陷入危機。

除咗監製Jazz嘅三大「御用Boss」吳家樂、歐瑞偉及張國強繼續穩守「嫌疑榜」外，有網民根據劇情走向、片頭畫面及官方宣傳照推測出兩大「頭號可疑人物」係唐詩詠同沈震軒！有人認為Q姨爆Seed後會走火入魔，亦有人估計威仔（沈震軒飾）擁有「吸附物件」嘅異能、甚至會逐漸變奸。

上周結尾預告，揭示為瑞琦擋刀而重傷昏迷的威仔終於甦醒。神色怪異嘅威仔從暗巷步出，並對男途人「發功」。
本周結局篇「正邪大戰」進入白熱化階段，噚晚官方於社交網出咗一條預告片，片中所見，上周為韋瑞琦（王君馨飾）擋刀而重傷昏迷嘅威仔終於甦醒，惟一向乖巧孝順嘅威仔神情變得陰沉詭異，疑似躲喺暗黑嘅後巷對男途人（姚亦澧飾）「發功」；下一幕便見到威仔按實男途人嘅天靈蓋，後者恍如瞬間被「吸」起，此時威仔手部亦發出紅光，之後鏡頭一轉，滿身鮮血嘅威仔「獸性大發」，不單止雙眼紅筋盡現，仲張開血盆大口發出野獸般嘅怒吼聲，狀甚恐怖。

威仔與Q姨嘅「邪惡暴走」畫面快速穿插，究竟二人係咪有重大關聯呢？
最後，威仔與Q姨嘅「邪惡暴走」畫面快速穿插，莫非暗示二人有重大關聯？據知，威仔死過翻生後激發出強勁嘅超能力，更會失控連環殺人，可謂生人勿近；與此同時，威仔與黑幫頭目賀慶隆（歐瑞偉飾）亦暗藏不可告人嘅秘密，「使者」之間將步入自傷殘殺嘅局面。

點解威仔會叉住高勇條頸嘅？莫非如網民所推測佢將會「變節」？

本來高勇好哋哋同Open姐一齊Sweet爆食住家飯。點知高勇忽然心口痛，疑似後遺症發作，搞到Open姐好擔心。
另邊廂，繼Q姨以「治癒奇能」吸收嘅傷病逐一於身上浮現後，其餘「超能使者」陸續出現異能後遺症。今晨官方喺社交網發佈另一條全新預告片，當中擁有「刀槍不入」超能力嘅高勇（陳山聰飾）與Open姐（劉穎鏇Tiffany飾）甜蜜撐枱腳之際，前者忽然胸口劇痛至青筋暴現兼標冷汗，疑似後遺症發作，最後佢更痛不欲生碌落地；至於先後激發「停頓時間」同「時間倒流」超能力嘅阿鏈（陳展鵬飾），喺最新宣傳照中，見佢猶如「斷頭式」彎曲身軀站喺馬路中央，形態非常怪異。據知一班「使者」不但產生嚴重嘅後遺症，眾人異能亦頻頻失靈，情況令人擔心。

阿鏈行行吓突然停喺馬路中間，仲成個人「斷頭式」彎曲身軀，好古怪。

終極大戰一觸即發，面對「最強對手」嘅猛烈攻擊，四面楚歌嘅「使者」們將點樣抵抗呢？
對於展鵬、Tiffany和伍樂怡上周五（25日）喺官方YouTube Channel直播時，劇透本周將有「超能使者」死，監製Jazz受訪時笑道：「點只超能使者死，嚟緊幾集直頭死得人多添啦！之後異能仲會有驚人反轉，相信觀眾會睇得好肉緊。」

展鵬、Tiffany和伍樂怡日前開Live劇透有「超能使者」死。
結局篇｜無綫55周年台慶劇《超能使者》周一至周五晚9點半翡翠台播映

劉佩玥、陳山聰、劉穎鏇、張振朗、郭柏妍、丁子朗及監製文偉鴻出席新劇《奪命提示》煞科宴，眾人分享拍攝由寒冬到炎夏難忘經歷，監製逐一點評演員表現。