法證先鋒V|高鈞賢深藏詭計匿外地 背後神秘人尚有大陰謀?

劇情越發緊張嘅《法證先鋒V》,28號播出一集,飾演 張世熙 嘅 高鈞賢 終於露出狐狸尾巴,原來佢就係陷害 湛霆 鄭俊弘 嘅真兇!劇情講到 余星柏 (黃宗澤 飾)終走出徒弟湛霆自殺嘅陰霾,決定復工同重新調查闊太Michelle被殺案嘅證物,星柏發現有人喺證物上做手腳,而負責化驗嘅人正正就係張世熙,星柏立即告知井浩然 袁偉豪 飾),但係張世熙已經逃往越南。

匿藏喺越南嘅張世熙同神秘人通電話,原來佢為咗隱藏真相,除咗銷毀證據,仲製造虛假證據陷害湛霆,與此同時,越南警方亦發現張世熙行蹤,但係追捕過程發生意外,張世熙被車撞 死,不過以世熙嘅詭計多端,照計冇咁易玩完,到底之後點發展相當耐人尋味!

Matthew原來係陷害湛霆嘅真兇Matthew原來係陷害湛霆嘅真兇

以往形象斯文嘅高鈞賢,今次挑戰大反派演出令人印象深刻,觀眾唔止大讚佢有型靚仔,仲封埋佢做新一代凍齡男神。Matthew受訪時就話非常喜愛今次角色喇,佢造:「呢個角色好好 玩,睇劇本已經知道有好大發揮空間,雖然今次係演反派,但每個反派背後都係有原因,唔想淨係話為壞而壞,所以成個過程都有同監製好好溝通,之後會有一場感情戲交代得好好。」

曾演出《法證II》嘅Matthew,當時飾演一名警察,而今次就係高級化驗師,仲花咗唔少功夫塑造新感覺俾觀眾,佢話:「本身角色唔使戴眼鏡嘅,係我自己要求要戴, 想營造到斯文得嚟有啲深藏不露嘅感覺,同埋我都有參考咗好多劇集、電影,希望畀到觀眾專業嘅感覺。」

回歸香港嘅Matthew今年已經先後有三套劇集出街,好似《飛虎之壯志英雄》、《白色強人II》同《法證先鋒V》,而佢喺《白色II》飾演頭部曾中槍嘅傷者,全程要抽搐演戲,觀眾當時就大讚佢演技突發猛進喇。

今次佢喺《法證先鋒V》再下一城挑戰高難度飾演大反派,除咗提名《萬千星輝頒獎典禮 2022》「最佳男配角」同「最受歡迎電視男角色」 外,今年更有扮提名「飛躍進步男藝員」。

而今、明兩集《法證》會圍繞「拉麵店謀殺案」進行,呢個單元涉及「妄想症」同「戲中有戲」,劇情反轉再反轉,令人意想不到。當中除咗有老戲骨 杜燕歌 之外,仲有 黎澤恩 、 方紹聰 (奶仔)、 盧峻峯 等演出,佢哋喺劇中仲有唔少發揮機會,並中奶仔將會扮演一具浮屍,狀甚恐怖。而 袁偉豪  蔡思貝 亦會以喪屍Look亮相,造型非常搶眼。

奶仔喺「拉麵」單元遇事慘死奶仔喺「拉麵」單元遇事慘死

阿Ben同Sisley將扮演喪屍出現阿Ben同Sisley將扮演喪屍出現

 相關推薦