馬國明將結婚細節交由靚湯處理 黃嘉樂娶好妻子大感幸福

馬國明將結婚細節交由靚湯處理 黃嘉樂娶好妻子大感幸福

馬國明同新婚嘅黃嘉樂仲有太太江惠賢(Samantha)出席婚禮主題活動,馬明穿白色禮服現身,再談與湯洛雯結婚計劃,佢透露下年旅行結婚嘅心水地點係涼爽地區。

馬明坦言暫時未定日子:「我好怕熱,好大汗,唔好太熱或者去啲涼啲嘅地方,我哋有機會旅行結婚,可能去涼啲地方就會好啲,影相成頭汗都唔靚啦!」馬明自認有選擇困難症,決定將結婚細節交由女友湯洛雯籌備,譬如揀鑽石、婚紗或者金器,呢啲要等女仔處理,馬明笑稱自己只係負責畀錢。

黃嘉樂同老婆Samantha今年8月拉埋天窗,經常喺社交平台分享婚後生活,甜蜜放閃,黃嘉樂感恩娶咗一個好老婆,無論幾點收工返屋企,每次都食到愛妻新鮮煮嘅愛心飯餸及營養湯水醫肚,讓黃嘉樂覺得超幸福,Samantha笑說:「我就做自己啲工作,等佢返嚟,睇吓我堅持到幾多年。」黃嘉樂亦愛錫老婆,每日煮特式早餐畀愛妻。

馬國明湯洛雯恩愛為貓主子Tino慶祝3歲生日 六月唐老鴨90歲生日點慶祝?

馬國明迎娶湯洛雯同居後,順理成章肩負起照顧靚湯兩隻布偶貓主子嘅責任,馬明好享受做貓奴,彼此感情越嚟越好,絕對係愛心爆棚,噚日(3月15號)係布偶貓Tino生日,馬明目前忙於開工拍攝《執法者們》噚日受訪時,佢就話希望有機會早啲收工返屋企為愛貓慶祝。
噚日係馬國明同湯洛雯嘅布偶貓Tino生日。

呢位暖男講得出、做得到,今日靚湯喺社交平台貼出一家「四口」嘅合照,見靚湯悉心佈置為壽星貓慶祝3歲生日,仲準備咗一個有貓仔圖案嘅蛋糕,又幫愛貓戴上生日帽,儀式感滿滿,而馬明趕回家參加生日派對,佢穿上白色小背心、抱起愛貓一臉陶醉儼如慈父!靚湯表示只求兩隻布偶貓阿仔Tino同阿女Ariel健康快樂成長。
馬明目前忙於開工拍攝《執法者們》噚日受訪時,佢就話希望有機會早啲收工返屋企為愛貓慶祝。

馬國明一向好有儀式感,噚日受訪講明愛妻靚湯5月6號生日必定向劇組請假,而佢更係唐老鴨忠實fans,屋企有過萬件唐老鴨珍藏,全家人每年會為唐老鴨買蛋糕慶祝生日;馬明更喺唐老鴨生日同一日開IG賬號,話呢個日子易記。繼靚湯5月生日後,今年6月9號就係唐老鴨90歲生日,愛屋及烏嘅靚湯到時會點同馬明一齊為唐老鴨慶祝呢!?
馬國明係唐老鴨忠實fans,屋企有過萬件唐老鴨珍藏。愛屋及烏嘅靚湯到時會點同馬明一齊為唐老鴨慶祝呢!?靚湯一向好愛錫兩隻貓主子,視佢哋係仔女咁。馬國明和湯洛雯去年12月在泰國蘇梅島舉行婚禮,今年1月在尖沙咀半島酒店低調補擺喜酒。

 相關推薦

熱門搜尋