1998年推出嘅經典劇集《我和殭屍有個約會》，經過咁多年之後終於改編成電影版，創作原原著嘅 陳十三 請嚟 黃宗澤 吳千語 蔡潔 加埋 郭栢妍 蘇麗珊 等一齊演出，雖然重現經典可能會被觀眾用放大鏡審視，不過千語同Bosco就話故事同電視版本唔同，佢哋對大量嘅特技同動作場面反而更為擔心喎。

千語仲話一開工就已紅吊威吔喺商場飛，而Bosco要戴訂造隱形眼鏡演出，就有啲辛苦同困難喇。而蔡潔又再一次同Bosco合作，之但係就繼續因為平衡時空同佢有緣無份冇感情線喇，至於「芊芊」Rosita首次登上大銀幕，角色仲原來係一位60歲嘅姨姨，對情感嘅控制要特別小心呀。

謝雪心 亦都會同 岑珈其 合演一對神棍母子，心姐就話雖然當年冇份參與劇集版演出，仲話今次一齊合作得非常開心呀。

星期五晚播出嘅《一舞傾城》劇情講到「姑爺仔」Dave( 何浩文 飾)氹掂Monica( 蔡潔 飾)打本做生意，但係竟被Monica無意中發現出軌偷食，令佢大感心痛。自覺癡心錯付嘅Monica終於決定攤牌講分手，但係Dave竟無恥反斥Monica：「我一直都當你老婆，直到你做雞！」Monica聞言心死：「係呀，我做雞都係因為你呀！我班姊妹話我唔值得咁做，因為你係姑爺仔！」

Monica難忍痴心錯付，最終決定向Dave提出分手

Dave惱羞成怒怒摑Monica，而暗戀Monica已久嘅志飛( 楊明 飾)見狀出手痛毆Dave。對Monica終於同渣男Dave分手，唔少觀眾都拍手叫好。蔡潔受訪時就笑言就指留意到觀眾戥 Monica唔抵喇：「見到有觀眾日日都問一次幾時分手，覺得好好笑， 大家都睇得好肉緊。」至於大家覺得佢癡心錯付，蔡潔就解釋話：「其實Monica唔係白癡冇腦，每個戀愛中嘅女人都係盲目，只不過佢係好盲目咁解，佢同呢個男仔3年都知道佢咩人，只係佢選擇相信呢個人會改，只不呢個男人比較自私，但佢唔係唔愛呢個女仔。」

Monica為咗Dave甘願下海成為舞小姐，但係就落得出軌下場

蔡潔又話事前一直同何浩文討論點樣演繹呢段關係，佢話：「唔想呢段關係好公式化，一個傻妹遇上渣男，而係想展現到畀觀眾睇，點解呢個女仔咁盲目去相信呢個男人，佢哋兩個嘅感情唔係假嘅，其實女朋友下海，個男仔都會傷心。

佢仲話很開心角色能夠獲得同情。至於有觀眾擔心Monica會黑化，蔡潔就意有所指話：「睇吓大家點定義黑化，劇集後半段會有啲事情發生喺Monica身上，佢會有啲嘢改變。」至於現實中嘅自己係咪一樣戀愛腦？佢就話：「有一句說話『智者不入愛河』，大概係話如果想保持理智就唔好戀愛，但愛情係人生中好重要嘅嘢，當愛情來到就好似一場賭博，要跳入呢條河需要好大勇氣。依家嘅我會覺得要用理智嘅心情去睇每一樣嘢，包括愛情；如果愛情真係嚟到，我覺得我依然會好似年輕時咁樣，有跳入呢條河嘅勇氣。」