驅魔龍族馬小玲｜電影版開鏡Bosco千語現經典 大量打鬥特技考功夫

1998年推出嘅經典劇集《我和殭屍有個約會》，經過咁多年之後終於改編成電影版，創作原原著嘅 陳十三 請嚟 黃宗澤 吳千語 蔡潔 加埋 郭栢妍 蘇麗珊 等一齊演出，雖然重現經典可能會被觀眾用放大鏡審視，不過千語同Bosco就話故事同電視版本唔同，佢哋對大量嘅特技同動作場面反而更為擔心喎。

千語仲話一開工就已紅吊威吔喺商場飛，而Bosco要戴訂造隱形眼鏡演出，就有啲辛苦同困難喇。而蔡潔又再一次同Bosco合作，之但係就繼續因為平衡時空同佢有緣無份冇感情線喇，至於「芊芊」Rosita首次登上大銀幕，角色仲原來係一位60歲嘅姨姨，對情感嘅控制要特別小心呀。

謝雪心 亦都會同 岑珈其 合演一對神棍母子，心姐就話雖然當年冇份參與劇集版演出，仲話今次一齊合作得非常開心呀。