慧妍雅集40周年| 歷屆會員齊聚辦籌款活動 林泳嫻美國回港參與盛事

慧妍雅集40周年| 歷屆會員齊聚辦籌款活動 林泳嫻美國回港參與盛事

由一班歷屆港姐組成嘅慧妍雅集今年成立40周年,一班會員多年來舉辦咗大量慈善活動為社會出力,而今年為隆重其事,佢哋就籌備咗一個特別節目,呢晚唔少會員齊聚一齊錄影,當中仲有人特別由外地返港出席呀。

有最美港姐之稱嘅大師姐 朱玲玲 就話非常開心大家齊聚一齊參與,而向海嵐就話唔經唔覺已經加入慧妍成20年,見證住當中發展覺得好感動咁話呀。

同大班已經好耐冇見嘅成員再見面,就好似學生會Re U咁,不過今次要籌備大型籌款節目就唔少工作要準備喇,身為信託委員會主席同執行委員會會嘅 曹敏莉 同 劉倩婷 呢日就話忙到見對方多過見到屋企人喇。

擔任司儀嘅 朱凱婷 同已經好耐冇亮相TVB 戚黛黛 就話過程非常感動,因為有份參與過當中好多活動,所以就更加有深刻感受喇。而特別由外地返港嘅 林泳嫻 ,雖然已經淡出娛樂圈,不過就一直有喺網上開Live同大家分享生活,長居美國嘅佢仲話希望藉此同大家拉近距離呀。

陳法蓉 有份演出嘅新劇《一舞傾城》雖然未推出,不過早前喺節目巡禮公開之後就受到唔少人關注,扮演夜總會媽媽生嘅Monica,呢日就講到原來自己初時非常擔心唔能夠勝任角色喇。

而早前因為確診無奈臨時缺席港姐司儀嘅 王賢誌 ,呢次就受到 曹敏莉 邀請擔任司儀,仲開金口獻唱,佢就笑言上次失落港姐50周年演出,又獲邀主持慧妍同一班港姐相遇,係塞翁失馬喇。

陳法蓉因LOONG 9成團再衝熱搜 與TVB傾新合作重返娘家拍劇

一眾歷屆港姐盛裝出席3月16日舉行嘅慧妍雅集年度慈善晚宴,最美港姐朱玲玲、趙雅芝同老公黃錦燊、上屆主席劉倩婷同老公李丞責、鄭文雅、楊思琦、陳法蓉、莊思明同孖生姐姐莊思華、應屆港姐冠軍莊子璇同亞軍王怡然等,眾多美女雲集為慈善出力。

最近因為《亞洲超星團》練習生以LOONG 9之名出道,討論度火熱,因而再度令 陳法蓉 嘅經典電影角色「龍九」成為熱搜,Monica都有留意到,除咗多謝 曾志偉 令自己角色再度爆紅之外,更大爆同選秀節目早有緣份:「節目組曾經聯絡過我想我做客串評判,但我推咗,因為大家都知洪欣係我好朋友,我一直都好支持佢囝囝參賽,不時都喺網上為鎬濂拉票,如果我做評判唔係好恰當。」另外,Monica去年憑主演劇集《一舞傾城》首度提名大灣區視后,仲話黎緊好大機會返TVB拍劇,並透露現正洽談新劇合作。Monica好開心打入視后五強,更謙稱年屆50多仲有機會角逐視后好難得。

同場共襄盛宴嘅仲有電視廣播有限公司行政主席許濤、叻哥陳百祥同太太黃杏秀、擔任表演嘉賓嘅黎瑞恩以及周吉佩等,近年小恩子不時出遊,原來佢係為拍旅遊節目做準備,所以親身去實地考察,早前曾走訪新疆、長白山等不同地方,自己亦大手筆買咗駕旅行車四圍遊歷。

黎諾懿輪忙於宣傳主演劇集《婚後事》,但點都要現身支持今屆慧妍雅集主席兼老婆李潔瑩(Nicole),更大讚賢內助能幹,對內對外均打點得妥妥當當,諾懿笑言:「連我咁難搞佢都搞得掂,冇嘢難到老婆。」Nicole亦坦言呢個大仔最難搞,但宴會成功好感謝各方面配合同幫忙。

吉吉呢晚擔任表演嘉賓,太太黃彥欣都盛裝陪伴赴會,吉吉透露好快會有新歌同觀眾見面,喺歌曲中仲會送上佢嘅弱項跳舞,希望呢個創新挑戰可以令歌迷見到佢嘅另一面。

 相關推薦

熱門搜尋