仔仔一堂｜王賢誌主理男男配對節目 馬詩慧分享父母心情

由 王賢誌 監製嘅節目《仔仔一堂》已經喺 J2 播出，節目邀請咗10年嚟自唔同界別嘅男同志現身，分享佢哋嘅心中所思。而身為媽媽早前亦親身到美國出席囡囡婚禮嘅 馬詩慧 ，亦以嘉賓身份即席分享自己媽咪身份面對子女性向嘅心情。

28號節目播出第一集，Vinci為十位初登場型男預備一彭華麗晚宴，藉此令各位參賽耆熱身同互相認識。

而今晚(29號)緊接昨晚尾聲嘅「猜猜他是誰」遊戲，各人喺童年照中，尋回相中真人。 藉遊戲各自介紹嚟自不同階層嘅出身。今晚10位參賽者會填寫問卷，自曝參加《仔仔一堂》節目嘅原因，背後仲有唔少辛酸感動。

香港作為國際都會，不過面對同性感情似乎仍有相對保守嘅睇法。而早年已公開性向嘅 Vinci 今次就擔任埋監製一職，佢就話心情非常緊張喇。由參賽者、內容同唔少地方同樣都要兼顧，加上題材就難免令佢有巨大壓力喇。

要公開自己所謂與別不同嘅性向，參賽者更加要將自己曝光喺公眾目光，Vinci就要自己過來人身份，決定為LGBT社群出分力，希望外界更為了解佢哋嘅心態同難處呀。