BL節目《仔仔一堂》十名外型、學歷同事業等條件都不俗嘅參賽耆，透過比賽同參與唔同任務，增進彼此間嘅交流同予解；觀眾亦可以透過佢哋溫馨有趣嘅相處，同埋製作組設計嘅特別事件，更深入了解性小眾點樣衝破障礙、獲得親友諒解同支持，同埋透過「愛」建立信心，達到忠於自己--「勇敢去愛」。

經過兩集熱身之後，今晚真人騷開始進入戲肉，將進行第一次票選「最佳初次印象」仔仔。至於邊一位仔仔會得最高票，今晚節目就會有答案。而今集佢哋亦會接受第一個任務，不過開始前主持人Vinci就「抽出」兩位已經私下約會仔仔，原來Juzco同Ray已經相識幾年，今次借拍攝機會再約見面，Vinci亦大方話︰「我冇話唔畀見，不過你哋啲解釋同尷尬，有啲奇怪啫。」 

稍後10位參賽仔仔會分成兩組外出買餸煮飯，不過臨行前又出現小插曲，HoHo表現嬲爆爆，原來佢心目中嘅男神 Louis「unfollow」自己IG。最後查明，原來只係小學雞事件。事緣 Louis一早已Follow咗HoHo，不過因為對方遲遲未有Follow自己，所以Louis先取消原先關注，最後證實誤會一場。

而兩組會由Louis同Andrew擔任隊長，每隊以500蚊飯錢煮一餐「Come Out 餐」招呼Vinci。Louis一隊招攬咗「型男主廚」Kenny，就連隊名都霸氣過人叫做「廚神隊」， 到底佢哋煮嘅五道菜加甜品大餐，點包含甜酸苦辣，可以五味雜陳呢？而Andrew帶領嘅「廚餘隊」又係咪有力一戰？記得留意今晚嘅《仔仔一堂》。

《仔仔一堂》星期一至五晚 22:30 J2(82台)

「型男混合體」Andrew

「花美男」Carson

「可愛兜風耳」HoHo

「陽光男孩」Juzco

「王浩信 2.0」Louis

「Young 版尊龍」Ray

「大眼仔」Nelbon

「害羞台男」Kevin

「型男主廚」Kenny

「柔情版高鈞賢」Howard

近日喺鑽石山發生兇案之後，當日片段圖片瘋傳，社會對慘劇都高度關注，自稱為香港抽水王嘅 林作 隨即出Post指自己有嫌犯同款跑鞋出售，不過呢次唔少人就認為佢太過火。雖然之後佢已瞬即將相關Post刪除，但係又連日多次出Post指出自己呃Like抽水「沒有任何事情是不應該被用來開玩笑的」，引起網上一片討伐。

事後林作指「堅決不為我的言論道歉」，不過星期日中午，林作任職嘅保險公司，就罕有於允許於社交平台出Post，指有理財顧問就社會悲劇作出不當言論及行為，故已終止合約。

簡短聲明又指公司內有清晰社交媒體指引，故個人言論並不代表保險公司立場。而公司內部亦有消息指，涉及被終止合約者為林作。