Hubert綵排驚見Yumi校服現身 林欣彤雲浩影齊為音樂會表演

胡鴻鈞 Yumi鍾柔美 林欣彤 仲有 雲浩影 呢日一齊為一個音樂會現身表演，Hubert周阿Mag呢日見到Yumi同Cloud，仲話回想起當年初出道嘅情況，不過綵排時Hubert見到Yumi著住校服出現，就有少少嚇驚喇。

Hubert仲話Yumi雖然呃自己冇著校服表演，不過咁細個又要兼顧學業而有咁好成績，就覺得後生可畏咁話喎。佢仲話自信可以扮演中學生，不過一講到年紀同Yumi有一段距離，Hubert就似乎受到啲打擊咁喇。

阿Mag早前宣佈結束戀情，呢日佢仲話希望努力創作新歌，之後以大量新作品開騷同大家分享自己嘅心情同睇法。呢日阿Mag又提到非常享受目前嘅單身生活，最近更加將心機花晒喺鑽研飲食同耿居家環境呀。

而Cloud呢日就係好朋友兼音樂總監 蘇道哲 伴奏之下獻唱新歌，Cloud仲話呢次表演特別緊張，因為對方係自己入行後第一位監製，所以就更加覺得要表演到盡善盡美唔可以出差錯喇。