[電影泉攻略] 泉叔赴新加坡直擊迪士尼節目發佈巡禮 睇新片大晒冷 丨EP27

[電影泉攻略] 泉叔每周精選心水猛片 花絮加專訪全天候供應

TVB 娛樂新聞主播王鎮泉（Jeoffrey）身處新加坡參與迪士尼串流平台舉行一連兩日舉行亞太區節目發佈巡禮，新電影及最新力作大晒冷，介紹《阿凡達：水之道》、真人版《白雪公主》、《小魚仙》、新一集《奪寶奇兵》等。

新片推介有《殺神夜》講述一班僱傭兵入侵有錢人家大宅，將屋企內老幼禁錮成為人質，千算萬算，計漏咗呢個普天同慶大日子嘅最強戰鬥員，聖誕老人瞓身大反擊；《巴黎聖母院：火海奇蹟》以2019年巴黎聖母院大火，各種原因令救火行動困難重重，眼看屹立850年嘅聖母院大教堂即將被大火吞噬，消防員、警方及神父誓要拯救聖母院大教堂及當中珍貴文物。

黑色喜劇《五腥級盛宴》講著一個小島上一間被受追捧嘅隱世餐廳，幾位有幸成為座上客，專程前來一心想品嚐五星級盛宴，點知廚師拍板唔止係菜式，仲係每位食客嘅生死；日本片《百花》講述童年飽受創傷嘅主角，要照顧患上失智症嘅母親，直至一本日記出現揭發一段塵封嘅往事，被遺忘嘅真相，到底原諒係唔係咁容易。

《肌智整容大叔》講馬東石爆笑打入韓國整容聖地狎鷗亭，佢飾演極具生意頭腦嘅商人，同一個技術高超但被釘牌嘅整容醫生，建立整容王國，背後暗藏危機。

呢個禮拜票房截至11月30號中午，第三位係新上榜嘅《過時‧過節》、第二位係取材自2013年「大角咀肢解父母案」嘅電影《正義迴廊》，第一位《黑豹2：瓦干達萬歲》穩坐冠軍寶座。