資深藝人溫裕紅上周離世終年54歲下月中出殯

由王賢誌（Vinci）監製及主持嘅J2全新綜藝真人騷節目《仔仔一堂》，逢周一至五晚十點半J2（82台）播映，以「絕不歧視愛情」為中心思想，搵嚟10名外型、學歷及事業等條件不俗嘅仔仔參與拍攝，包括「型男混合體」Andrew、「187花美男」Carson、「可愛兜風耳」HoHo、「陽光男孩」Juzco、「嫰版王浩信」Louis、「Young版尊龍」Ray、「純愛莫少聰」Nelbon、「害羞台男」Kevin、「型男主廚」Kenny及「柔情版香取慎吾」Howard。隆重介紹廚餘組同廚神組。《仔仔一堂》自播出後引發網上熱討，10位仔仔各有支持者，喺J2官方YouTube上載10條個人宣傳片，截止噚晚10點計算，點擊頭三位排名暫時依次為Andrew、Louis及Juzco，網民留言最喜歡Louis同Kevin，感覺一個係老實憨厚嘅游泳教練，一個係可愛帥氣嘅金融型男，亦有人覺得Andrew賂Louis好靚仔，另有網民讚Juzco好識搞吓氣氛，節目收穫不少好評，「真係幾好睇，參加者好真都幾好笑」、「用心製作，感覺自然」、「半個小時太短了」。J2官方YouTube上載10條個人宣傳片，截止噚晚10點計算，點擊頭三位排名暫時依次為Andrew、Louis及Juzco。Juzco經常負責爆爛Gag同搞氣氛，網民都留意到佢嘅存在對成個節目都好重要。Kenny煮嘢食時真係有魅力。連日來Vinci與10位仔仔可謂馬不停蹄，應付連串宣傳活動，每天晚上11點更緊貼節目直播開Live與粉絲互動，10位仔仔私底下亦相當可愛健談，「人氣王」Louis係「IG Filter王」，對每款Filter都玩得好開心似足大細路。Juzco原來係「大胃王」，喺短短半小時直播，有fans發現佢食完夾餅再食雞蛋仔，食力驚人；Juzco鬼主意多多，直播期間唔係捧住嘢食就係捧住屋企隻超萌愛貓，難怪成為擁有逾10萬粉絲嘅人氣KOL。介紹番，呢位係老鼠屎Ray，佢連刨個青瓜都可以出事。佢煮嘅薯粉又辣到Vinci嗌晒救命，咦？！莫非佢係破壞王？廚餘組全程嘅亮點，係喺Andrew嘅麒麟臂度。噚晚（1日）播出第四集《仔仔一堂》，烹飪比賽結果出爐，並由主持Vinci及嘉賓馬詩慧（Janet）試食及評分。Andrew帶領嘅廚餘組及Louis帶領嘅廚神組先後以名為「True Colours」及「龍鳳呈祥大團員」嘅Come Out餐招呼兩位評判。Nelbon嘅無酒精雞尾酒，深得Janet喜愛。為咗力抗有「型男主廚」Kenny加持嘅廚神組，廚餘組不單止偷雞請外援，又整色整水派出「花美男」Carson以不同顏色嘅鮮花伴碟博高分，可惜遭Janet快人快語潑冷水：「啲花唔係好夾，賣相麻麻哋！」呢個係廚餘組嘅Come Out餐。Janet食嗰陣個樣，好似出晒事咁。廚神組嘅Come Out餐，係咪好吸引先？Janet對於廚餘組嘅鮮花伴碟好有意見，「花藝男」Carson頓成箭靶。相反Janet對廚神組則給予正評：「佢每樣嘢都好有水準，真係好似人哋餐廳嗰啲咁！」最終廚神組一如所料勝出。是集MVP係Kenny及調酒師Nelbon，佢精心炮製無酒精雞尾酒亦令Janet讚不絕口。Janet今晚一集將會大派洋蔥！Janet除咗擔任評判，今晚呢集更會以過來人身份，分享女兒王曼喜坦承出櫃經過，及剖析自己如何從掙扎中得到啟示；Janet仲會開懷暢談自己與老公王敏德對於「開放」二字見解究竟有幾唔同。Janet今晚一集分享囡囡王曼喜坦承出櫃經過。Janet剖析自己如何從掙扎中得到啟示，聽完你會感受到佢哋成家人有幾咁有愛。Janet喺昨晚播出一集讚《仔仔一堂》呢個節目別具意義：「因為畀更加多人知道基嘅人心路歷程同經歷，又或者佢哋同屋企人相處嘅難處。節目出咗街之後，希望更加多人接納，同埋包容呢班朋友仔。」Janet今晚一集真摯又感人嘅分享，將觸動現場不少仔仔，Andrew、Juzco及Ray等輪流分享自身經歷，大談家人與朋友支持對佢哋有幾重要，場面溫馨又充滿愛，萬勿錯過!

《仔仔一堂》逢周一至五晚10點半J2 (82) 台播映