中年好聲音丨何博文挑戰高難度唱《李香蘭》獲激讚 前商人陳敬賢爆喊認愧對家人

中年好聲音丨何博文挑戰高難度唱《李香蘭》獲激讚 前商人陳敬賢爆喊認愧對家人

TVB推出全新綜藝歌唱真人騷《中年好聲音》,逢周日晚九點半於翡翠台播映,由車婉婉擔任主持,評審團則為Maria Cordero(肥媽)、張佳添、伍仲衡、林志美、周國豐,該節目開播以來掀起全城熱話,當中上周奪得5盞燈爆分嘅顏志恆及鮑聖光備受網友熱捧。

《中年好聲音》評審團為周國豐、張佳添、Maria Cordero(肥媽)、林志美、伍仲衡。鮑聖光大晒靚聲獻唱《倩影》16.6萬嘅觀看次數。

官方YouTube Channel「TVB 綜藝」上載顏志恆深情演繹《一首歌一個故事》及鮑聖光大晒靚聲獻唱《倩影》,分別約15.9萬及16.6萬嘅觀看次數(數據截至12月2日早上9時),兩段影片合計共吸約32.5萬觀看次數,畀Like次數則分別係約1.9千次及1.8千次,兩段影片齊齊登上YouTube熱門影片。

顏志恆深情演繹《一首歌一個故事》約15.9萬觀看次數。
周日(4日)播出最新一集,可謂充滿洋蔥,呢集有份登場嘅47歲柳冕,一位四肢傷殘人士,佢鼓起勇氣、坐着輪椅登上《中年好聲音》呢個舞台,柳冕目的係想以身作則鼓勵同路人:「突然一個交通意外,令到四肢傷殘,真係好殘忍。喺機緣巧合之下,一隊義工Band隊教我唱歌,我用咗5年時間,個丹田先識郁得番,係音樂帶番我出嚟,我哋殘嘅都可以追夢架,唔好放棄自己!」柳冕深情獻唱《無言感激》,伍仲衡被佢充滿生命力嘅演出打動:「你畀到我感覺係講緊一個故仔,我記得你講過想做一個榜樣,想話畀人聽任何人都可以追尋夢想。」

47歲柳冕鼓起勇氣,以身作則鼓勵同路人。
另一洋蔥位,要數到46歲前商人陳敬賢「高山低谷」嘅經歷,陳敬賢獻唱呂方《流浪花》,陳敬賢嘅歌聲充滿着感情與故事,原來佢20多年前曾北上創業,高峰時每月生意額曾高達3,000萬,惟後來生意遇上阻滯,最終變成一無所有,佢流下男兒淚:「最傷心係畀咗好大遺憾我屋企人,佢哋明明有個好好嘅起跑線,但係我做得唔夠好……其實之後嗰10年我都好Down,好封閉自己,係音樂帶番能量畀我。」

車婉婉及肥媽被佢背後嘅故事所感動,全程拎紙巾不停拭淚,肥媽寄語:「要信呢個世界係圓,記得有個睇相佬同我講,人十年一個大運,你都行咗十年衰運,冇得再衰啦!」至於呢兩位有故事嘅人唱得如何,記得留意最新一集《中年好聲音》。

46歲前商人陳敬賢經歷10年低谷期,感謝音樂帶畀佢能量。

是集雲集眾多有故事之人,亦有不少實力唱家班,35歲音樂製作人何博文就係其中一位,據知佢曾係XiX成員Vici其中一位歌唱老師,博文挑戰高難度獻唱《李香蘭》,飆高音大晒唱功,伍仲衡讚佢藝高人膽大:「最後Chorus你竟然用真音,原唱都係假音,你幾大膽!」張佳添則讚佢音樂感好強,加上識得發聲,夾埋已經好無敵,冇諗過喺《中年好聲音》聽一首張學友嘅歌係變成一首新歌。至於博文能否奪得5盞燈爆分?周日晚上揭曉。

音樂製作人何博文挑戰高難度獻唱《李香蘭》。
何博文曾係XiX成員Vici其中一位歌唱老師。

《中年好聲音》逢周日晚九點半翡翠台播映

古淖文獲評判一致畀滿分封冠軍 譚輝智屈到病舞姿成亮點

歌唱選秀節目《中年好聲音2》24號舉行「登峰之戰」總決賽,古淖文憑住佢拿手嘅英文歌《Feeling Good》,獲得所有評判一致畀出20分,以總分99分成為冠軍。古淖文話賽果完全出乎意料,當見到所有評判畀出20分時,嗰種心情真係好震撼。

而屈居亞軍嘅譚輝智唔止無失落,仲大讚古淖文係「值嘅」,而佢自己喺快歌環節嗰首《屈到病》就成為全晚最多人討論嘅亮點,唔擅長跳舞嘅譚輝智,話自己嘅舞姿一定唔會型,所以佢就決定以搞笑風格上場,尹新杰仲以「好得意」嚟形容佢嘅舞步呀!

一直被視為大熱嘅顏米羔,雖然最後成為季軍,但佢都話自己已經心滿意足喇,事關佢話覺得名次對佢嚟講唔重要,最重要係可以爭取機會唱歌。而黃劍文就以些少差距未能晉身三甲,不過對於好朋友台灣歌手張芸京特登飛嚟香港撐場,劍文就覺得好感動,仲話芸京喺音樂呢條路上一直鼓勵自己,兩人仲感動到互相抱抱呀。

至於安雅希、沈宗賢同埋陳俞霏就話行到決賽呢一步,已經心滿意足,幾位仲話經歷長達八個月嘅賽事,終於告一段落,佢哋嘅心情既放鬆又唔捨得。

評審之一嘅伍仲衡,一向比分都好手緊,但決賽夜佢竟然將自己第一個20分比咗古淖文,肥媽都好認同,話古淖文絕對係無可挑剔嘅演出。

決賽夜《中聲》嘅師兄師姐都有嚟觀戰,周吉佩、李佳同羅啟豪都大讚參賽者演出超水準,顏志恒仲話對譚輝智跳嘅《屈到病》非常深刻,劉威煌就講笑話遲啲可能變成廣場舞。對於蔡琴以嘉賓身份現身,就令大家相當驚喜,佢仲獻唱咗經典歌《你的眼神》令樂迷大飽耳福。

決賽夜結束後,一眾粉絲喺電視城門外等候偶像,米羔、輝智仲有劍文更親自出嚟答謝歌迷嘅支持。

 相關推薦

熱門搜尋