甘比親手鈎織愛心貓咪頸圈義賣 貓奴送暖支持愛護動物工作

甘比親手鈎織愛心貓咪頸圈義賣 貓奴送暖支持愛護動物工作

甘比陳凱韻喺皇室堡商場由明日起至2023年1月2日舉行限定「貓貓紙箱市集」,特設慈善義賣攤檔售賣貓咪頸圈及精選貓咪主題精品,劉鑾雄太太陳凱韻更首次親手鈎織的貓咪頸圈義賣,所有收益將撥捐愛護貓隻團體香港群貓會,資助團體內流浪貓嘅日常開支及醫療費用。
劉鑾雄太太陳凱韻更首次親手鈎織的貓咪頸圈義賣。,劉太呼籲愛心滿載嘅貓奴多多支持,將愛心暖意傳到所有市民及毛孩當中,劉太又指動物權益係好值得大眾關注,佢好高興今次能代表劉鑾雄慈善基金,親手鈎織貓咪頸圈作慈善義賣,並將款項捐給香港群貓會,趁聖誕這個普天同慶的日子,向貓隻送上盛載愛心嘅美味『罐罐』 (食物)。 


劉太呼籲愛心滿載嘅貓奴多多支持,又指動物權益係好值得大眾關注。呢個活動亦設有6大貓咪主題嘅打卡位及限定市集,場內更有貓奴必搶嘅禮品,由明日起至2023年1月2日,讓貓奴與主子同框齊齊打卡。


甘比陳凱韻喺商場舉行限定「貓貓紙箱市集」。

湯洛雯余安安張智霖群星睇藝術展 余詩曼被野生捕獲任影唔嬲

湯洛雯余安安張智霖群星睇藝術展 余詩曼被野生捕獲任影唔嬲

香港國際藝壇兩大盛事Art Central及Art Basel香港2024(巴塞爾藝術展香港展會)喺3月28號至31號舉行,作為藝壇展會最大重頭戲,吸引唔少名人觀展,包括林青霞、甘比、佘詩曼、張可頤、張智霖、袁詠儀、顧紀筠、湯洛雯、任達華、琦琦、任晴佳、梁芷珮、楊秀惠、楊張新悅、廖碧兒、富豪洪永時、翁嘉穗等。
 
貴為三料視后嘅阿佘雖然低調現身展場,但阿佘嘅女王氣場實在魅力沒法擋。

貴為三料視后嘅阿佘雖然低調現身展場,但阿佘嘅女王氣場實在魅力沒法擋,一現身就已經造成現場哄動,而佢亦展現親切一面任影唔嬲。同樣被野生捕獲嘅仲有Chilam同靚靚及青霞姐姐。雖然青霞姐姐打扮樸素,之但係佢手上嘅巨型鑽戒就非常奪目。


湯洛雯升呢做馬太,呢日單拖睇展朝聖。

至於觀展女藝人亦趁機大騷名袋,就連單拖睇展嘅靚湯都罕有曬出價值12萬嘅Hermès薄荷綠手袋。不過喺芸芸女星之中,顧紀筠嘅Hermès Kelly 32黑白拼色鱷魚皮手袋最為高貴,估計要40萬。
 
當初「至八會」會員突然愛上畫畫,其實全因藝術氣質濃厚的顧紀筠帶起。

至於參展名人就包括張艾嘉兒子王令塵(Oscar Wang)、TVB高層樂易玲兩位公子Adrian、Ryan等。樂小姐兩位公子今年再度參展,同樣吸引咗唔少藝人前往打卡,包括余安安、陳煒、時裝設計師何國鉦、鄧伊婷、宋宛穎、陳曉華、譚嘉儀、莊思明、郭柏妍、丁子朗、曾比特等。Oscar得到超模老婆游天翼帶家人捧場,就連96歲婆婆亦坐住輪椅親身到場為孫仔撐場,Oscar有喺社交平台開心分享同家人嘅溫馨合照。
張艾嘉兒子王令塵(Oscar Wang)係一位跨界藝術家。

樂易玲兩子亦有份參展,獲不少圈中人撐場。

林青霞一向支持藝術,熱愛寫作及畫畫,近年更常主動拜訪多位著名藝術家作交流。TVB高層樂易玲的長子Adrian和幼子Ryan今年再度參展Art Central,余安安有到場支持。

張新悅一向重視培養孩子們對藝術的興趣。廖碧兒都有現身巴塞爾藝術展香港展會大劉劉鑾雄曾講過甘比投資藝術品大賺200億。張可頤同樣喜愛藝術,早年開始學習基本技巧,仲會讀藝術史來提升賞畫能力,令自己眼界大開。張智霖眼光獨到,收藏名畫作投資至今「業績」未錄得任何虧損。

熱門搜尋