外遊防疫措施放寛，渴咗好耐嘅真．旅行節目當然又可以再次起動啦！呢日 高海寧 、 彭慧中 同 陳聖瑜 就喺清晨現身機場，出發去泰國拍攝全新旅遊節目《吃貨橫掃曼谷》，三位女士一諗到可以寓工作於娛樂，當然勁興奮啦！

自言係拍旅遊節目起家嘅高海寧，話因為近呢3年都冇機會去旅行，而家一開關公司就即刻請仍去泰國玩，所以心情勁開心。而彭慧中就話因為疫情關係，大家困住咗喺香港好耐，所以一聽到公司開拍旅遊節目，諗起可以勁食同勁玩就開心到不得了。高海寧話聽聞今次泰國之旅，節目組安排咗好多spa畀佢哋做，當佢將呢件事同朋友分享，仲煩惱要帶多幾件打底，點知結果就換嚟朋友勁葡萄嘅一句「真係好辛苦你」！

曾經同高海寧傳過緋聞嘅「少年食神」林澄光呢次都有份帶隊，有食神助神，呢次旅程就唔愁冇美食啦，難怪要佢哋搭早機去都冇問題，因為彭慧中話咁佢哋就可以有多啲時間去食嘢同玩，唔使浪費晒啲時間，高海寧仲話呢件事好乎合香港人嘅性格，早機去晚機返，可以將個假期玩到盡。講到今次最期待嘅行程，佢三個都話係食嘢，其中陳聖瑜就透露佢哋到時會去一啲因為疫情閂咗，但而家又再開返嘅餐廳。而彭慧中就話期待去Spa同游水，佢仲闊身邊嘅高海寧有冇帶定多幾套戰衣過去泰國，點個高海寧搞笑咁話性感嘅泳裝就留返畀啲後生女，自己期待去食米芝連餐廳呀。

講到闊別多時終於再可以踏上登機閘口，高海寧就話自己比較好彩，因為呢三年來都有因為工作而飛過，亦有去過旅行，所以未到好久違嘅感覺，但高海寧就話希望一切可以盡快回復正常，等大家都可以想飛就飛呀。

國家副主席韓正會見到訪的泰國公主詩琳通。

韓正昨日在北京會見詩琳通，讚賞詩琳通自1981年首次訪華以來，對發展兩國關係作出重要貢獻，表示中方願同泰方一道，落實兩國領導人達成的重要共識，弘揚和傳承「中泰一家親」傳統情誼，持續推進高質量共建「一帶一路」，深化各領域務實合作，實現共同發展繁榮。

詩琳通就感謝中方對泰國抗擊新冠疫情給予大力支持，表示50次訪華走遍中國大江南北，深切感受到中國人民的熱情和友好，衷心祝願中國繁榮昌盛，兩國友誼萬古長青。