韓國人氣男團SF9成員金錫佑(路雲Rowoon)、歐鎧淳、ANSONBEAN及廖子妤等，呢日現身尖沙咀出席名店聖誕慶祝派對，大批fans早就帶齊應援物品到場見偶像，路雲一出現即向在場fans派心心兼揮手問好，路雲相隔多年再訪港，完全感受到fans嘅熱情。

路雲近年多棲發展，除咗活躍喺影視圈，更拍綜藝節目，最近佢與前輩拍真人騷，由於佢一直喺韓國開工，本來擔心相隔多年冇嚟香港，怕已被fans遺忘，不過呢日見咁多fans到場，佢覺得好滿足又驚訝，不過今次來港行程緊湊，好多地方冇時間去，甚至忙到連食飯都冇時間，冇時間到訪呢度嘅食店，希望下次有機會大飽口福。

而同場嘅廖子妤早前回馬來西亞投票兼探親，3年冇返家鄉，廖子妤喺機場見到爸爸接機時已眼濕濕，當時爸爸更送上溫暖嘅擁抱，今次廖子妤帶媽咪來香港短聚，佢開心有媽咪照顧兼煮飯等佢門，頓時覺得好幸福，廖子妤又指男友已見過媽媽，佢未有透露另一半身份，只係話媽咪對呢位未來女婿印象唔錯，廖子妤笑稱：「我作為一個女演員已經算係好公開，你哋行吓街就會見到我哋，冇話撞破(戀情)，其實好多人都知，唔係第一次一齊過聖誕，過咗幾個。」

關智斌、泳兒、ANSONBEAN（陳毅燊）、倪晨曦及王丹妮等，呢日現身宣傳活動分享衣著心得，關智斌上月跟fans舉行聚會，驚見關智斌陳年半裸舊照，勾起大家青春回憶，關智斌笑言當年瘦削身型竟然有勇氣影半裸照。

今年係關智斌入行20周年，佢計劃開騷回饋歌迷，希望搞一個熱血沸騰嘅音樂會，被問到同期出道嘅張致恆，可有關心朋友近況，關智斌指冇特別留意：「家家有本難唸的經，最緊要家和萬事興，新年最緊要和氣，而泳兒決定嚟緊豪遊歐洲，雖然而家機票，畀自己放一個短假期。