張敬軒首次執導廣告微電影即獲獎 驚喜現身全場哄動

張敬軒首次執導廣告微電影即獲獎 驚喜現身全場哄動

張敬軒噚晚(2日)出席MEA廣告頒獎典禮,憑早前為手提電話品牌一個廣告微電影擔任導演一職,獲得大會頒發「Excellence in Social Media -  Gold」、「Excellence in Branded Content - Gold」、「Excellence in Advertising - Silver」及「Excellence in Video - Silver」四個重要獎項。


張敬軒噚晚驚喜出席MEA廣告頒獎典禮拎獎。

軒仔驚喜現身引起全場一陣哄動,在場人士排長龍集郵,軒仔亦有求必應,軒仔一直以歌手或唱作人身份獲得音樂上獎項,今次首次執導,即以導演身份獲獎,佢坦言感覺特別:「好開心,好特別個感覺,因為入咗行20年,第一次拎一個同唱歌冇關嘅獎項,正如好似今年年頭我曾經講過,今年會以一個新人嘅身份,乜嘢都會去嘗試。」


軒仔首次執導廣告微電影,認為最困難係經驗不足,佢特別感謝團隊。

整個拍攝過程中,軒仔認為最困難係經驗不足,佢特別感謝團隊,問到得獎後有冇激發佢參與幕後拍攝工作,軒仔覺得「導演」係一個新嘗試,而且一啲都唔容易,軒仔示:「通常做歌手或者做演員,都係幕前演出,但做導演要兼顧嘅嘢實在真係好多好多,係一啲都唔容易。雖然好榮幸獲得導演廣告微電影嘅獎項,但自己都係抱住學習嘅心態,去試多啲唔同範疇嘅嘢,或者將來可能遇到一個好好嘅劇本,令到自己又心思思想再突破一下自己極限,睇緣份啦,哈哈!」

張敬軒被粉絲催著泳褲謝票 被製作AI片騙案感細思極恐

張敬軒 完成新加坡工作返港冇耐,呢日就現身活動同10位幸運Fans飯聚一番,不過大家就當然醉翁之意不在酒,除咗享受同偶像共處時光外,更不忘追問軒仔幾時先肯找年初嘅「叱吒我最喜愛男歌手獎」數,仲要求佢著泳褲謝票。

對於大家嘅大膽要求,軒仔就話:「夏天要到喇,等我身體準備得好啲先!」而且軒仔更希望謝票活動可以做得有意義又認真啲,唔係胡鬧完成。不過當軒仔被問,想著咩款式泳褲時,佢又回復鬼馬本性:「我都係一個游泳好手,所以以喺水入面嘅擴張能力最細嚟計,咁都係三角褲。」令在場傳媒都紛紛嘩然。

雖然軒仔一直都行開斯文路線,不過佢都曾經有「性感」一面,就係為舞台劇拍攝全裸海報,佢仲呼籲大家上網搵返張相睇,欣賞下佢副好Body。雖然過去輝煌過,但被問道會唔會操得返好似當年咁勁時,軒仍就話:「人生有願望係好事。」

網上AI騙案日漸猖狂,就連軒仔都成為目標,被騙徒以AI同Deep Fake技術整製作英文訪談片呃人錢,呢日軒仔都話成件事完全細思極恐,仲話騙徒連佢嘅圍頭口音都改埋變澳洲口音。不過問到有冇叫媽咪小心啲時,軒仔就大派定心丸話:「我阿媽連我都唔信架,放心!」而軒仔亦透露,有Fans不慎被騙,損失金額可觀。

 相關推薦

熱門搜尋