好睇過卡塔爾球賽|大S汪小菲隔空互轟 男方出動離婚協議領先1:0

好睇過卡塔爾球賽|大S汪小菲隔空互轟 男方出動離婚協議領先1:0

大S徐熙媛同汪小菲離婚一年,自從大S同具俊曄翻撻再婚之後,雙方一直就離婚後錢銀問題一直隔空大戰。而具俊曄亦被牽連,有內地網民指佢同大S早喺幾年前已經有來往,激到佢都激動喺社交平台澄清。

繼早前台灣主要電視台直播手起刀落凌遲一張傳說過千萬台幣,而實際只係約10萬台幣嘅愛的床褥之後,雙方一直你來我往各有攻守。不過到3號下晝,大S就突然爆Seed,指汪小菲喺2018年自己生日當日,借落2600萬台幣未還,而所謂嘅台灣物業亦係自己出錢買,更放狠話「難怪軟飯賣的駕輕就熟」,正式還擊唔留手。


大S先係下晝Post出借據,指汪小菲欠2600萬未還
不過喺北京嘅汪小菲一晚就連出幾Post,先係將大S豪花佢名下信用卡買衫嘅各個Item都一一列出,再指係離婚時大S要求為方便照顧小朋友生活而留低俾佢哋使用,甚至搬埋離婚協議出場,將當中細節完全曝光,例如每月要100萬台幣生活費,同埋小朋友教育費用,仲有負責物業嘅2.5億台幣按揭貸款。

不過汪小菲就爆發還擊,仲指控大S唔認數

之後就連大S用佢名下信用卡買乜,仲連離婚協議都搬晒出嚟,睇嚟今次真係幾難收科喇。

(網上圖片)

被汪小菲指離婚前寄奢侈品到韓國 大S聲明否認再爆家暴又出軌

汪小菲 同 大S 徐熙媛 之間嘅是非同官司可謂沒完沒了,汪小菲噚日(19號0就早前喺網上公布兩人離婚調解筆錄同筆錄內嘅個人資料,被大S提告違反「個資法」一事到台北地院出庭。

汪小菲上庭抗辯時指責大S,今日大S勞氣發聲明否認

汪小菲喺庭上指佢同大S離婚前4個月,對方透過佢司機、員工碌卡,買咗1200萬元台幣(約300萬港幣)奢侈品再寄到南韓,而汪小菲指自己係唔知點解。對汪小菲喺法院所指嘅人係咪大S現任丈夫具俊曄時,汪小菲隨行人士指冇再需要受訪。

大S發聲明反擊,字裡行間充滿怒火

大S先指碌卡購物經汪小菲同意,仲爆受家暴而致「二死一重傷」

噚日冇出庭嘅大S,今日(20號)下午就喺社交平台發聲明,指出:「婚內出軌的是你不是我。離婚我確實為了洩憤刷了你幾次卡,但這是你自己簽字允許的,重點是我並沒有刷你的卡買任何東西給我先生。

具俊曄被牽扯入大S同前夫嘅官司當中

大S再列出三點解釋自己當時憤怒原因,佢再指十年婚姻二死一重傷(意指兩次流產及一次懷孕是危急),刷卡洩慣這事,現在想來也可笑,因為我借你、付出在你身上的多更多,刷你的卡,花的卻是我自己辛苦賺來的錢。最後大S指今後不再回應關於汪小菲等人所製造的種種抺黑,全權交給法律和司法。

 相關推薦

熱門搜尋