當林雪遇上獎門人會有咩化學作用？咪就係令大家笑唔停囉！今晚播出嘅一集《開心無敵獎門人》，有林雪、彭健新、鄧兆尊、陳彥行、陳嘉桓同路芙嘅「獎門人好友」隊，對戰「東張女神」隊嘅利穎怡、王嘉慧、黎寬怡、梁菁琳同梁敏巧。
林雪完全係今集MVP東張女神隊個個都玩得好投入。
第一個game「開心無敵燈燈燈」就擺明幫觀眾謀福利嘅，一眾東張女神分別擺出「IG 水着」、「三級片封面」同「老土影相」嘅pose，畀晒機會大家cap圖啦！雖然呢邊主打性感，但林雪呢啲見慣風浪嘅老江湖當然未驚過啦，以諧趣迎戰嘅佢，當要擺出「經典電影人」pose時，見佢伸出手指大家都以為係揸槍pose啦，點知雪哥解釋原來係扮「醉拳」，令大家笑唔停。
陳嘉桓同路芙呢個pose係？？？？
而喺「開心無敵落大閘」時，一班靚女齊齊拋下女神包袱，玩得十分投入。「東張女神」隊嘅利穎怡仲High到爆真・除衫嚟扮跳脫衣舞，而黎寬怡就趴晒地扮海獅，之後佢兩個又合體扮做「隆胸」手術，睇到人紅都面晒。至於另一隊嘅女神陳嘉桓同樣玩得夠豪放，除咗蹲低扮踎廁同放屁外，又表演狂野揈水髮，相當盡慶呀。

全晚另一個爆笑位，就要數「開心無敵口噏噏」，林雪嘅口音令對手聽到成頭黑人問號，之後又將「柑蕉桔梨碌柚」講成「柑蕉桔梨蘿柚」，令到全場爆笑。齋講已經咁多爆笑內容，今晚嗰集你又點可以錯過呀！

《開心無敵獎門人》逢星期日 20:30 翡翠台

正拍攝中嘅新劇《非常檢控觀》呢日配合近日熱到出煙嘅天氣，一班演員齊齊拍一場池畔戲份，雖然 陳煒 呢日只係悠閒坐喺池邊，不過就話劇情如果需要的話自己比堅尼上陣都冇問題呀。

煒哥又話平時出外景都有幾件寶物以防曬黑，好似防曬、遮都係女藝人必不可少嘅裝備呀。至於呢日以三點式上陣嘅 莫韻諰 同 黎寬怡 就似乎係全場最舒服嘅演員喇，雖然曬足全程，不過浸住水拍攝都叫相對涼爽嘅，但係佢哋就爆 吳天佑 換走貼身小泳褲，而佢本人就解釋唔係怕醜，只係自己變肥所致喎。

而 游嘉欣 呢日就一改平時嘅可愛形象，一身有型Biker打扮出現，仲話拍攝坐過電單車之後，自己因為刺激而產生強大興趣喇。

繼《美麗戰場》之後再同 李成昌 合作嘅 蔣家旻 ，就強調今次只係會同昌哥鬥智鬥力，仲率先爆當中嘅故事脈絡呀。