開心無敵獎門人丨東張女神瞓身「演出」 利穎怡拋開偶包High到除衫

開心無敵獎門人丨東張女神瞓身「演出」 利穎怡拋開偶包High到除衫

當林雪遇上獎門人會有咩化學作用?咪就係令大家笑唔停囉!今晚播出嘅一集《開心無敵獎門人》,有林雪、彭健新、鄧兆尊、陳彥行、陳嘉桓同路芙嘅「獎門人好友」隊,對戰「東張女神」隊嘅利穎怡、王嘉慧、黎寬怡、梁菁琳同梁敏巧。
林雪完全係今集MVP東張女神隊個個都玩得好投入。
第一個game「開心無敵燈燈燈」就擺明幫觀眾謀福利嘅,一眾東張女神分別擺出「IG 水着」、「三級片封面」同「老土影相」嘅pose,畀晒機會大家cap圖啦!雖然呢邊主打性感,但林雪呢啲見慣風浪嘅老江湖當然未驚過啦,以諧趣迎戰嘅佢,當要擺出「經典電影人」pose時,見佢伸出手指大家都以為係揸槍pose啦,點知雪哥解釋原來係扮「醉拳」,令大家笑唔停。
陳嘉桓同路芙呢個pose係????
而喺「開心無敵落大閘」時,一班靚女齊齊拋下女神包袱,玩得十分投入。「東張女神」隊嘅利穎怡仲High到爆真・除衫嚟扮跳脫衣舞,而黎寬怡就趴晒地扮海獅,之後佢兩個又合體扮做「隆胸」手術,睇到人紅都面晒。至於另一隊嘅女神陳嘉桓同樣玩得夠豪放,除咗蹲低扮踎廁同放屁外,又表演狂野揈水髮,相當盡慶呀。


全晚另一個爆笑位,就要數「開心無敵口噏噏」,林雪嘅口音令對手聽到成頭黑人問號,之後又將「柑蕉桔梨碌柚」講成「柑蕉桔梨蘿柚」,令到全場爆笑。齋講已經咁多爆笑內容,今晚嗰集你又點可以錯過呀!

《開心無敵獎門人》逢星期日 20:30 翡翠台

東張女神連同義工為垃圾屋執屋 煥然一新屋主猶如重獲新生

有戶主日日從單位內倒水出走廊,唔閂水制,浸濕整段樓梯,整棟大廈居民都怨聲載道。

天花板剝落、光管搖搖欲墜、整間屋變得溶溶爛爛,令人慘不忍睹,筲箕灣一棟大廈的低層單位慘變危樓。

受滲水影響的戶主接受採訪講述事件經過;業主立案法團主席也收到許多住戶關於該住戶的投訴;整棟樓的住戶都知道這件單位的水多到湧出走廊。法團多次與問題單位戶主溝通無果。

但最令人煩上加煩的是,原來單位一早淪為垃圾屋,主持人到現場發現可以聞到有好濃烈的惡臭味。

節目組跟蹤報導女戶主長期流連街外的女戶主現狀究竟是怎樣呢?她平日是怎樣生活的呢?女戶主將如何回應現在的問題?

事件令事主Pinky寧願瞓街,亦不肯返家,近日更失聯,攝製隊從街坊得知其入院,探望期間了解其內心世界......

Pinky三十多年前任職會計,有學識又會打扮,以前經常週遊列國,生活好有品味!很難想像現在家中變為垃圾屋。

《東張西望》團隊入屋,驚見拍攝以來最大老鼠屍體,體型相等於一隻貓這樣大!此外全屋滿報曱甴,令人不寒而慄!

Pinky長期酗酒的習慣,皆因被情傷情緒受困,渴望他人協助,辯稱單位水浸累街坊皆因厭惡單位污糟。

心理學家趙思雅評論其情緒問題,《東張》攝製隊安排義工及義務滅蟲公司為進行單位噴灑滅蟲液體期間曱甴老鼠橫行情況恐怖!

《東張》女神聯同大批義工為單位主人Pinky進行大清理,室內的囤積物數量驚人,義工更同時清理恐怖雪櫃,應付曱甴老鼠成為一大挑戰!

成功清理後,主持陪同當事人Pinky返家。面對整潔單位煥然一新,Pinky深感滿意,街坊鼓勵其重過新生活,對獲各界支持其兄長深感感激。

 相關推薦

熱門搜尋