王君馨《超能》演技大突破花鉅資傾力製作新歌MV

娛樂新聞

2022-12-05 13:30已更新：2022-12-05 16:37

王君馨有份演出嘅台慶劇《超能使者》日前大結局，雖然Grace並非異能人之一，不過佢演出嘅臥底黑幫成員韋小姐入型入格深不可測，喺父親被害死嘅一幕演出仲被觀眾盛讚呀。雖然阿Grace認為可以做得更好，不過拍檔沈震軒就一樣話冇得頂喇。

Grace過往幾次演出都難逃身亡嘅結局，不過今次《超能使者》佢就認為結局非常感人喇，至於之後其他作品會唔會有望脫離咁苦情嘅命運，佢就封嘴話完全唔可以透露，大家就可能要好好留意佢參與甄子丹嘅作品《天龍八部》喇。

近年涉足音樂嘅Grace除咗拍戲之外，籌備兩年嘅新歌亦都即將推出，當中嘅MV仲斥鉅資拍攝，又因為當中嘅CG特效花咗工作人員好多時間同精神製作，所以Grace就話之後大家記得要多啲搵佢做嘢先有錢再出新歌呀。

林明禎生日開工客戶輪流慶祝大一歲盼事業順利搬大屋

娛樂新聞

2023-06-04 17:30

日前啱啱迎接33歲生日嘅林明禎，呢日現身一間時裝店嘅開幕活動，仲獲主辦單位送上蛋糕補祝生日。喺香港定居嘅佢，雖然近來工作冇停過，不過就一直獲客戶為佢慶祝，難怪佢話開工過生日都一樣開心啦。

廣東話越來越進步嘅佢，仲話生日願望就係工作更加順利，仲希望接觸更多唔同工作，仲話本來打算今年會推出新歌，但係就因為好快又要開拍新戲，所以計劃又要再推遲喇。喺香港租地方住嘅佢，仲話對屋企咩都滿意，不過如果可以住大啲就Perfect，所以要再努力工作搬大啲呀。