呢晚尖沙嘴海旁可以話係星光熠熠，因為劉嘉玲、黎姿、鄭秀文、馮德倫、邱淑貞大女沈月、甄子丹同太太汪詩詩、呂良偉同老婆楊小娟、何嘉莉、甘比同大女劉秀樺、何超欣同林德信等現身出席一個時尚活動。

雖然近年已經轉戰商界，但仍然有唔少觀眾渴望可以再睇到女神黎姿嘅演出，呢晚Gigi就話自己仲有戲癮嘅，只係公司同屋企已經夠佢忙，所以好難再兼顧埋幕前演出喇，Gigi又透露嚟緊會同屋企人去日本滑雪放鬆下。呢晚見Gigi行路有啲緩慢，佢解釋係因為自己早前喺屋企做運動時唔小心受傷，令到韌帶斷咗同半月板撕裂，Gigi話喺活動前嘅5、6日，佢嘅物理治療師先批准佢可以着高踭鞋出活動。

早前有指甄子丹執導嘅電影放棄喺大銀幕上映，轉為喺網上播映，呢晚佢就話現今嘅觀眾睇戲唔一定要入戲院，佢又覺得如果可以2喺賀歲檔放映，可以吸引到更多觀眾收睇係好事，但係至於點樣發行同埋具體細節，就交由返電影公司公佈呀。

日前劉嘉玲出席咗陳可辛嘅60歲生日會，佢話可以見返一大班朋友兼聚下好開心呀，講到嚟緊到佢嘅生日，劉嘉玲就話佢嘅生日願意都係疫情快啲過去，令一切可以回覆正常，至於問到佢會唔會外遊？劉嘉玲就話自己都係啱啱返香港冇幾耐，所以會等過埋聖誕節同新年先再計劃外遊喇。而呢晚着住對十吋高嘅厚底鞋，配開胸西裝褸嘅鄭秀文，就同劉嘉玲雙雙奪得當晚最佳女裝造型。講到早前喺社交平台post咗同馮德倫、舒淇、張艾嘉飯敍嘅合照，Sammi話因為好耐冇見舒淇，所以當晚傾得好開心，仲話如果嚟緊有機會，佢都想同舒淇合作拍戲呀！

夏日唔少水著game騷，女星大騷一對修長美腿，完美展示fit爆身材，好似1993年嘅《反斗群星碧波大挑戰》，黎姿、葉玉卿、李麗珍等以火辣泳裝示人，分兩隊大玩水戰，雙方真係「棋」逢敵手！