大牌筵席丨林盛斌鍾情大牌檔濃厚人情味 李家鼎私心推介牛雜三大最滋味部位

大牌筵席丨林盛斌鍾情大牌檔濃厚人情味 李家鼎私心推介牛雜三大最滋味部位

由黎諾懿主持一連六集嘅全新飲食節目《大牌筵席》將喺今晚(5日)起,逢星期一至三晚上10點半翡翠台播映,象徵香港平民飲食文化,大牌檔漸漸式微,現時全港僅剩20多間持牌大牌檔,為咗延續呢份懷舊風味,呢個節目每集將以唔同主題,搵嚟唔同嘅星級嘉賓主持為大家介紹各區嘅特色大牌檔,除咗一嚐食肆嘅招牌菜式外,仲會分享檔主食客嘅「人、情、味」小故事。與此同時,黎諾懿將化身「導遊」帶大家探索大牌檔附近社區嘅旅遊景點及文化特色。

鼎爺即場示範昔日如何「踎」大牌檔。

鼎爺走訪經營幾十年的中環老字號,這檔中環老字號的老闆一直堅持用新鮮牛雜。
李家鼎(鼎爺)、江嘉敏、戴祖儀、林盛斌(Bob)、吳浩康、衛詩雅、楊潮凱及陸浩明(6號)做嘉賓主持,主題分別係「獨家滋味」、「人情味」、「變遷」。吃過香濃嫩滑的滷水牛雜後,鼎爺笑稱「𡃁仔回憶返晒嚟」。
今晚呢集係鼎爺率先走訪經營幾十年嘅中環老字號,該店嘅新鮮牛雜遠近馳名,除咗矜貴極罕嘅牛沙瓜人人Like之外,出名嘴刁嘅「星級名廚」鼎爺喺節目中私心推介三大「最滋味部位」,更大讚某部位嘅味道「拍得住外國鵝肝」,齋聽都流晒口水!

出名嘴刁嘅「星級名廚」鼎爺喺節目中私心推介三大「最滋味部位」。鼎爺品嚐矜貴極罕嘅牛沙瓜。
鼎爺品嚐過香濃嫩滑的滷水牛雜後,鼎爺表示:「𡃁仔嗰時踢住拖鞋,食兩毫子魚蛋粉、三毫子雲吞麵嘅味道同回憶返番晒嚟。」並謂比起新興嘅室內大牌檔,佢更鍾情熱辣辣嘅舊式大牌檔。
鼎爺更大讚某部位嘅味道「拍得住外國鵝肝」。Bob當DJ時經常到這間大牌檔食宵夜。
過去獲Bob「金口」推介過嘅食肆定必旺場,Bob堪稱「美食達人」,明晚(6日)呢集將公開私藏嘅大牌檔「口袋名單」,其中一間係Bob喺DJ年代嘅宵夜飯堂,另一間則係佢湊完仔女返學後嘅早餐蒲點。席間Bob更介紹咗兩店嘅秘製豬扒麵,當中一款更加美味嘅豬潤,佢激讚:「有啲人鍾意好大塊、好厚、好滑身嘅豬潤,但我反而鍾意呢啲細細件、咬落去有少少起沙、好重豬潤味嘅。」

Bob向大家日
見到檔主妹姐一家努力堅守亡父遺業,Bob也十分感動。
談到童年經常陪媽咪落大牌檔打躉,兩母子因而跟大牌檔老闆建立深厚感情,Bob直言呢種親切感係其他餐廳難以取代:「去大牌檔就係食人情味同感覺,呢啲係高級餐廳或茶餐廳未必咁易畀到你,食大牌檔可能會好熱,但就係熱熱哋好好Feel。」
Bob認為大牌檔的情懷是其他餐廳比不上的。

Bob經常湊完仔女返學便幫襯這間大牌檔,他指這款秘製豬扒麵的豬扒皮脆多汁,正。

檔主偉哥坦言經營大牌檔甚辛苦,故不希望兒子將來繼承父業。
Bob更訪問經營大牌檔43年嘅妹姐,講到近年生意都大受疫情、社區重建等因素打擊,但妹姐一家仍努力堅守亡父遺業,Bob大為感動:「我睇到佢哋對呢一間茶檔嘅鍾愛、齊心,其實呢個就係佢哋嘅家。」
6號幫手煮的「小炒王」炒燶晒,認真失威。楊潮凱學剪牛雜,又在街市熟食中心食“Fusion”咖哩燒鴨飯。
周三(7日)晚,楊潮凱同6號將分別走訪港、九街市熟食中心,並走入廚房學剪牛雜及炮製「小炒王」,未料身為烹飪節目《食平D》系列主持嘅6號居然炒燶菜,認真失威!
女江嘉敏(右)指這是她人生中吃過最好食的彈牙牛丸。
黎諾懿自爆曾於山頂向太太補求婚。吳浩康(左)和衛詩雅歎盡這間24小時冬菇亭的各式美食。

12.5首播|《大牌筵席》逢周一至三晚上10點半翡翠台播映

麥明詩結婚|「勁甜麥」婚禮重溫回禮布置有心思十足年宵 群星到賀馮盈盈低胸陪嫁

「勁甜麥」結婚喇!「十優港姐」麥明詩(Louisa)與飛機師男友盛勁為(Keith)大日子,日前在銅鑼灣吉列島遊艇會舉行婚禮,晚上設宴招待雙方朋友。

單是「勁甜麥」的婚禮布置已經好搞笑,除有懷舊大牌檔擺設外,還有象徵兩人背景的「港姐寶座」及「登機櫃枱」、「道具飛機」,婚禮主題符合二人的身份和性格,大玩復古風,擺設十足年宵!至於回禮禮物,繼頭場以「勁甜麥」大碗作回禮禮物後,今次則送「勁甜麥」麥芽糖連梳打餅,好有諗頭。

至於晚上的婚宴會場更是星光熠熠,不少圈中好友及城中名人早在社交平台打卡,分享現場盛況及賓客合照,非常熱鬧。新娘子Louisa的大日子婚紗和晚裝沒有多餘首飾,都是以簡約氣質取勝。除了一對新人主角,其實星級兄弟姊妹團都十分搶鏡,Louisa請來同屆港姐亞軍兼中學同學龐卓欣做伴娘,另一位好姊妹馮盈盈一樣在場,並擔任最索姊妹,低胸陪嫁,更笑言自己和陸浩明見證他們的愛情故事。兄弟之一的麥大力撐枴杖現身都要出席,認真唔話得!

出席麥明詩與盛勁為婚宴的賓客有曾俊華、唐詩詠、林作媽媽王莉妮、黃德斌、戚其義、林正峰、翁嘉穗與老公鄔友正、吳業坤、江美儀、陳庭欣、戴祖儀、劉佩玥、丁子朗、葉念琛、何浩文、洪永城等,卡士好強勁。

圖片來源:網上圖片
飛機造型 好好笑「勁甜麥」婚禮布置充滿懷舊感「勁甜麥」婚禮布置充滿懷舊感星級兄弟姊妹團好靚呀!

 相關推薦

熱門搜尋