中年好聲音丨再有三人以五燈入圍 梁德欣故事感動眾人

中年好聲音丨再有三人以五燈入圍 梁德欣故事感動眾人

全新綜藝歌唱真人騷《中年好聲音》,4號晚播出號一集再有13人直接晉級 50 強,當中更加有3人奪得5盞燈滿分成績,分別係何博文、林鉫徫同支嚳儀。

現年 38 歲嘅林鉫徫係一位歌唱老師,佢坦言因為自己嘅中性打扮而受盡冷言冷語,當中不乏學生嘅家長們怪言論,林鉫徫話:「有啲家長要求老師一定要長頭髮同着裙, 咁佢先會畀小朋友跟呢個老師學,我自己有啲深深不忿,希望透過呢個節目為自己平反, 其實唱歌係一個興趣,無關外形同性別事!」結果成功以《命硬》俘虜一眾評審獲得五盞燈。

而36歲嘅自助烘焙店東主支嚳儀,一直希望加入娛樂圈,但因為被媽媽反對而擱置夢想,直到現時結咗婚生咗小朋友,仲創業做埋老闆之後,支媽媽就冇理由再反對,而比賽當日支媽媽仲有到場為支嚳儀打氣呀!以《假如》一曲嚟參賽嘅支嚳儀,最終獲得5燈爆分成績,評判伍仲衡說雖然覺得支嚳儀喺唱廣東歌方面仍要落吋功夫,但係佢依然畀5燈對方,原因係睇到對方嘅Potential係無限嘅。

而44歲嘅梁德欣,背後故事相當感人,身為全職媽媽嘅佢係一位紅斑狼瘡症患者,多年嚟隨時都要出入醫院,又因為病情而服用咗十年類固醇,今次比賽係得到家人全力支持,而參加比賽嘅原因,係想鼓勵長期病患嘅朋友、病友同埋一眾媽媽們,話界大家知大家都可以勇敢追夢。德欣以一首《小天使》送給媽媽,佢解釋因為梁媽媽為咗佢而專誠去學中醫,眼淺嘅肥媽亦鼓勵佢話:「呢個世界係好公平,點解個天會畀個病你?因為個天覺得你承受得到,或者係因為學你話齋,好少同佢(媽媽)講多謝你、好愛你,我哋成日覺得家人嘅愛係必然,但你可唔可以同佢講聲 I love you ,只要你得閒打畀媽媽講聲 I love you,咁就得架喇!」

《中年好聲音》 逢星期日 21:30 翡翠台

中年好聲音2丨黃劍文解放盤骨晒舞功首奪MVP 劉威煌挑戰Rap失敗8強止步

呢集以同「恩師」谷婭溦合唱《Bad Boy》嘅古淖文演出最亮眼,佢哋以型爆黑銀 Look 上陣,谷婭溦大玩透視誘惑晒小背心,相當惹火!佢哋High爆跳唱《Bad Boy》燃爆全場氣氛,最終兩人獲得95分佳績,平咗大魔王安雅希創下嘅95分紀錄。
古淖文與谷婭溦合唱《Bad Boy》。
對於淖文嘅演出,伍仲衡話:「你好屬於舞台,你係今屆加埋上屆 One of the most 壓台,點解未畀到 19 分?因為我覺得未夠曳!」而畀咗滿分20分嘅陳慧嫻,則笑言自己一早已經預言咗對方係巨星。
古淖文得95分。
而同林志美合唱《我要我們在一起》嘅黃劍文表現亦同樣亮眼,今次黃劍文非常聽話唔再揸結他,解放盤骨晒舞功,同林志美邊唱邊跳,相當有舞台劇感!伍仲衡話:「基本上你唔係唱歌,而係演緊戲,我係覺得你同我心靈講緊嘢,你畀我見到一個全新面貌嘅黃劍文,我好享受成個表演。」周國豐亦大讚:「我冇見過 你跳舞,但又 OK 喎,完完全全係一個高水準表演。」最終黃劍文憑住出色表現首度獲得 MVP。
黃劍文表現亦同樣亮眼。黃劍文憑住出色表現首度獲得 MVP。
陳俞霏喺呢集亦迎嚟大爆發,佢同王馨平以黑白雙煞造型合唱《多得他》獲得90分佳績,張佳添大讚:「你個頭開得好好,能量好好,兩個把聲黐埋係一種好 strong 嘅女性能量。」仲話陳俞霏呢次演出係喺佢心目中最好嘅一次。
陳俞霏同王馨平以黑白雙煞造型合唱《多得他》。
對於能夠同王馨平合作,陳俞霏相當感激對方照顧,她喊住咁話:「大部分人覺得我係蒸生瓜(唔夠成熟),馨平老師畀到好大動力我,一次又一次鼓勵我,好難得有一個前輩咁樣去幫一個後輩,每一句鼓勵都係溫暖緊我。」
陳俞霏喊住感謝王馨平嘅照顧。劉威煌最終8強止步。
同彭家麗合唱《煩》兼挑戰唱Rap嘅劉威煌,最終挑戰失敗僅獲82分,喺累積排名榜包尾,8強止步。

《中年好聲音 2》7強名單如下:安雅希、陳俞霏、黃劍文、譚輝智、古淖文、顏米羔、沈宗賢

《中年好聲音2》逢星期日 21:00 翡翠台 

《中年好聲音 2》7強名單如下:安雅希、陳俞霏、黃劍文、譚輝智、古淖文、顏米羔、沈宗賢

 相關推薦

熱門搜尋