JW獲得15項提名最想《痞子》奪獎 炎明熹胡鴻鈞合唱默契十足

JW獲得15項提名最想《痞子》奪獎 炎明熹胡鴻鈞合唱默契十足

JW王灝兒、吳若希、胡鴻鈞、炎明熹、姚焯菲、鍾柔美、詹天文、文凱婷、何晉樂、彭家賢同潘靜文等出席《博愛音樂會》獻唱多首動人歌曲為慈善出力。

《萬千星輝頒獎典禮2022》於2023年1月8日晚上舉行1月8號,JW獲得15項提名先聲奪人,JW相當興奮:「當日係陳瀅圈晒我個名話畀我知,連我都唔知有咁多。」JW最想劇集《痞子殿下》奪「最受歡迎電視拍檔」,等佢同周嘉洛、陳瀅、朱敏瀚及張頴康一齊攞獎,同時佢亦想拎「飛躍進步女藝員」。

吳若希呢個月將舉行個唱,為咗呢個騷事前做咗好多準備,佢除咗練體力,仲要練口才努力做宣傳;呢日炎明熹同胡鴻鈞合唱《愛是帶種缺陷的美》默契十足,炎明熹都希望之後有機會再合作。

姚焯菲每年與家人悉心佈置聖誕樹,今年佢未諗到送咩聖誕禮物,所以佢希望工作上有好表現,而鍾柔美同詹天文則希望《聲夢》學員有機會再開騷。

彭家賢想之後有機會同張馳豪(Aska)及冼靖峰(Archie)合作:「Aska唱歌又得,寫又得,佢嘅才華令人想同佢合作,Archie好嗌得,我想同佢挑戰好爆好正嘅歌。」文凱婷同何晉樂則希望跟不同嘅《聲夢》學員都有合作機會。

Twins疑接炎明熹棒成為快餐店新代言人 「Gi炎粉」激動:還我Gigi!

炎明熹(Gigi)短短幾年間已經成為本地樂壇寵兒,被封為「新一代樂壇小天后」。早前Gigi成為連鎖快餐店代言人,廣告歌《好想約你》唱到街知巷聞。不過,近日該快餐店上載疑以有新代言人的海報,並寫上將會首次與「孖妹」Twins合作,更透露即將會有新火花新搞作。

此舉隨即引起網民熱烈討論,當然「Gi炎粉」激動留言以示不滿:「我想要炎明熹」、「喜歡炎明熹,好想約你已入心!希望再會找炎明熹代言人!會幫襯多啲」、「還我Gigi」、「點解要換人,唔去lu」、「支持Gigi,無Gigi唔會去」

當然,網民反應兩極是正常,亦有人開心留言表示:「哇,久違的兩人新代言!!」、「有得望住你哋食飯都開心D」、「好好掛住你哋!」、「換咗人,順眼曬!」及「支持Twins」等。

圖片來源:網上圖片

Twins疑接炎明熹棒成為快餐店新代言人 Twins疑接炎明熹棒成為快餐店新代言人

 相關推薦

熱門搜尋