彭健新《獎門人》喪搶答累隊友林雪全身濕晒：撳完叫你答

娛樂新聞

2022-12-05 23:30

彭健新、林雪、鄧兆尊、陳彥行、陳嘉桓及路芙亮相《開心無敵獎門人》，迎戰五位「東張」靚女主持，彭健新同林雪全程發放笑彈成為焦點，玩「彈遮遮」時，彭健新搶答問題，累林雪由頭濕到落腳。

林雪投訴彭健新識唔識答都搶住撳制：「佢成日走去撳鐘，唔識就謙虛啲等啲識嘅人撳，佢又唔識又亂撳，撳完叫你答。」彭健新解釋係尊重隊友，陳彥行笑稱避過玩「開心無敵估嘢食」，佢哋仲諗邊個同林雪背對背玩遊戲，彭健新稱本來安排陳彥行玩，不過呢個遊戲cut咗。

而「東張」靚女主持梁敏巧大騷智慧，答中不少問題避過濕身，利穎怡更讚彭健新搶撳制答錯，「拯救」佢哋唔使淋水太耐。