彭健新《獎門人》喪搶答累隊友 林雪全身濕晒:撳完叫你答

彭健新《獎門人》喪搶答累隊友  林雪全身濕晒:撳完叫你答

彭健新、林雪、鄧兆尊、陳彥行、陳嘉桓及路芙亮相《開心無敵獎門人》,迎戰五位「東張」靚女主持,彭健新同林雪全程發放笑彈成為焦點,玩「彈遮遮」時,彭健新搶答問題,累林雪由頭濕到落腳。

林雪投訴彭健新識唔識答都搶住撳制:「佢成日走去撳鐘,唔識就謙虛啲等啲識嘅人撳,佢又唔識又亂撳,撳完叫你答。」彭健新解釋係尊重隊友,陳彥行笑稱避過玩「開心無敵估嘢食」,佢哋仲諗邊個同林雪背對背玩遊戲,彭健新稱本來安排陳彥行玩,不過呢個遊戲cut咗。

而「東張」靚女主持梁敏巧大騷智慧,答中不少問題避過濕身,利穎怡更讚彭健新搶撳制答錯,「拯救」佢哋唔使淋水太耐。

《愛.回家》譚道德嫁女!陳榮峻收親家聘書超開心 女兒移居新西蘭任護士

陳榮峻憑TVB處境劇《愛.回家之開心速遞》飾演「譚道德」成功入屋,陳榮峻噚日喺IG貼出一張疑似係親家提親嘅聘書,公佈愛女即將結婚呢個喜訊。

陳榮峻兒子頴聰貼出家庭合照。
陳榮峻今日喺IG貼出嫁女相。

聘書見親家大讚陳榮峻女兒頴儀(Jessica),陳榮峻收到親家嘅誠意,表示超開心,感覺女家備受尊重,估唔到今時今日仲有傳統禮儀!
陳榮峻噚日喺IG貼出一張疑似係親家提親嘅聘書。

陳榮峻今日喺IG貼出嫁女相,原來愛女於奧克蘭嘅St. Patrick's Cathedral舉行神聖婚禮,呢間大教堂係奧克蘭市天主教堂,以哥德復興式建築,建立於1841年為奧克蘭最迷人嘅建築之一。

陳榮峻帶愛女進場,佢笑問:「嗰造型似唔似新郎哥。」陳榮峻與吳香倫於2015年拍拖,2018年結婚,陳榮峻仔女亦接受吳香倫呢位繼母。

陳榮峻早年與圈外妻子鄭安麗結婚,育有兩子一女。鄭安麗於2010年因腦溢血離世,陳榮峻難走出喪妻之痛曾欲輕生,幸有好友開解走出陰霾,陳榮峻與吳香倫於2015年拍拖,2018年結婚在四代同堂見證下再為人夫,仔女亦接受吳香倫呢位繼母,陳榮峻曾透露阿女中學時已前往新西蘭留學,目前喺當地任職護士。 
陳榮峻曾透露阿女中學時已前往新西蘭留學,目前喺當地任職護士。

 相關推薦

熱門搜尋