新加坡直擊丨與李聖經新劇演情侶 金英光投入角色直言不得不愛對方

一個網上串流平台呢日喺新加坡舉行日韓影視記招，仲邀請多位紅星親臨盛事。當中最曯目嘅，就要數由日、韓兩地㩦手合作，由韓國男星丁海寅、高庚杓主演嘅奇幻燒腦劇！丁海寅表示好榮幸可以同導演三池崇史合作，仲話喺拍攝嘅過程發現自己同導演嘅諗法相似，非常有默契呀。

而三池崇史亦喺記招上點名大讚演奸角嘅高庚杓，話佢即使發福唔少，但依然演技十足，完全將觀眾對奸角嘅固有形象改觀呀！高庚杓聽完都自嘲，話對於自己減唔到磅呢件事相當抱歉，但感謝導演接受同鍾意呢點，令佢更加努力去演出呢個角色呀。

而主演另一套浪漫愛情劇嘅李聖經同金英光亦有現身記招，相識多年嘅佢哋，今次要喺劇中飾演情侶，佢吔都讚對方超入戲，仲話對對方另眼雙看呀！金英光記話平日都會同李聖經打打鬧鬧，但今次嘅合作，佢喺劇中見到李聖經嘅另一面，好似語氣、舉止咁，都變得更加成熟，令代入角色嘅時候有種不得不愛嘅感覺呀！而李聖經就話以往接到劇本都需要一啲時間去代入角色，但因為今次對手係金英光，所以李聖經話自己好快就可以進入到個角色呀！