日本有萬人景仰嘅虛擬女歌手 初音，而今年《歡樂滿東華》就出咗一個令唔少網民都形容為「魔音」嘅 郭柏姸 喇，Rosita因為同 林敏驄 佢哋合唱《下流上車族》主題曲《一家人》，因為唔太穩定嘅歌聲被冠以「魔音」稱號，呢日佢就親自回應，仲承認自己嘅歌聲的確係有魔性呀。

呢次係Rosita第一次喺大型節目唱歌，亦係第一次現場演唱，佢就認為大家留意之餘即係為慈善出嘅力有返少少回報呀。佢仲話係因為節目當晚獻唱之前，食完辣辣壽司令到自己開咗聲，所以令自己嘅「魔力」更加明顯，仲話非常擔心自己帶偏咗一齊合唱嘅其他人，令大家耳朵流產真係唔好意思呀。

而 林敏驄 事後就後製咗一個「終極好聽Balance版」擺上網，幫愛女芊芊洗白返個污名，但係Rosita就決定學唱歌改善擺脫魔道喇。阿驄仲話要作首歌俾佢，連名都叫《魔性大發》，又話要教佢唱歌，佢就話今次係焉知非福喇。

佢仲話嚟緊阿驄嘅演唱會，希望有機會可以上台挑戰一雪前恥咁話呀。

劉佩玥、陳山聰、劉穎鏇、張振朗、郭柏妍、丁子朗及監製文偉鴻出席新劇《奪命提示》煞科宴，眾人分享拍攝由寒冬到炎夏難忘經歷，監製逐一點評演員表現。